YOLO Cafe & Bar (已結業)

cafe開咗唔係好耐喺旺區嘅邊位☺️寧靜小地方青醬意粉同大啡菇都係店員推薦❤️❤️❤️好多謝佢介紹咁好味嘅嘢食俾我青醬大蝦意粉～自家製青醬充滿羅勒既香氣，加上松子炒過令味道超級香口，洋蔥粒係食既過程增添咬口，係一樣好重要嘅配菜，食到舔埋個碟底😝好多店都煮唔到好味嘅青醬🤤但佢哋做到肉醬芝士焗大啡菇～裏面充滿肉醬加上面層塊芝士，咬落爆汁，果種多汁既程度，加上極其濃郁既香味，實在令我非常深刻❤️一試愛上甜品時間～Oreo芝士蛋糕加泡沫咖啡，食落好家庭式蛋糕感覺，唔甜嘅凍餅，忌廉芝士同淡忌廉嘅味道一直留喺口腔入面唔捨得走，食落就再有Oreo陣陣味道，飲番啖咖啡☕️好好享受👍好鍾意個環境乾淨舒服😌嘢食好味，職員大部份都係年輕人，亦好有禮貌，一定會encore