發記甜品 (已結業)

旺角中食好西，入左發記甜一甜先榴蓮控必選的榴蓮心太軟，焗到外面剛剛有硬感，一切開有大量金黃色又有榴蓮味道的忌廉狀流出來，連埋外層鬆軟的蛋糕配食，入口暖暖，成囗香濃榴蓮加牛油香味，喜歡榴蓮的fans必定大満足中和口中榴蓮味，食番個芒果益力多棉花冰好正！益力多的酸甜味道加上芒果的鮮味，夏日綿綿熱辣辣，棉花冰令暑意降溫！仲有紅豆湯圓，紅豆好甜好林，入口大讚，湯圓煙煙刃刃，平身淡味，但同紅豆一齊食就好配合呢個買相100分，隻鴨仔造型的榴蓮冰冰，放在浴缸布甸上，再有一舊榴蓮肉，睇住唔捨得食呀！布甸平身淡味，撈埋榴蓮肉互相配合，保持重重的榴蓮味道。可愛的鴨子是冰冰來，一路食一路溶，好特別的甜品