仁芝初

營業中

休息中

爽爽去完台灣，返左香港了。在旺角見到間糖水店，見三四點都可以食下甜品，仲要每日鮮製，用料十足，好抵食。外賣過程都係15分鐘左右，我都係坐係度等，環境都算不錯。因為天氣熱，所以全部都叫凍，行到返去爽爽屋企都要15分左右，都保持到溫度。紫薯芋茸蓮子西米露 媽媽最鍾意，紫薯鬆化，芋茸滑溜，好重本，芋頭味濃郁。蓮子軟身，西米露有彈性，整體甜品食落去很綿滑。古法養顏燉桃膠中式糖水用了紅棗桂圓，都係補氣血的，紅棗大粒開邊，桂圓都有幾粒，圓潤清甜。桃膠有琥珀色，大粒帶有流質既感覺，只要翻熱食就好養生。木瓜燉雪耳木瓜橙紅色，有兩至三塊，清甜滋潤，雪耳切塊，爽口的，亦有軟身的，食落去清甜潤肺。