泰源獅城風味

營業中

休息中

今日同朋友放工約左響太子嘅去泰源獅城風味食晚餐 ，入到去員工態度好親切同體諒，依家難得見到笑面迎人的waitress ，環境都幾舒服。我地揭開餐牌都幾多強擇！look 一 look ，叫左泰源麻辣香鍋 不過我地選擇左叻沙湯底 ，配料有牛肉片，墨魚丸，金錢肚，豆卜，芽菜，炸腐竹 ，食材好有鮮味，金錢肚煙靱，墨魚丸爽口彈牙，豆卜同炸腐竹好入味 叻沙湯底煮得好適中，吾會太鹹，帶有新加坡的感覺 ，清新的椰香味 ，配入食材上真係讚不絕口 ！仲有我地叫左海南雞飯 因為，雞肉嫩滑，沾上泰式辣醬更加帶出雞既鮮味！最後叫左滷水牛肚，牛肚一食落口就知吾係雪藏牛肚 ，係新鮮金錢肚，都幾入味！食飽飽就叫野飲，點左凍美綠同紅豆冰，美綠濃味可口，沖得好適中，吾會太甜！而紅豆冰好有椰香味，配入煮到起左沙嘅紅豆，幾好飲。呢度除咗傳統新加坡美食之外，仲有滷水及川菜俾客人選擇，適合喜歡一次過食到唔同菜式嘅客人！