爆丼屋 (山東街)

營業中

休息中

突然好想食魚生飯，諗起好耐之前幫襯過旺角豉油街嘅爆丼屋，上網search原來搬咗去山東街，新店大好多，位置寬敞，樓底又高，空間感十足，而且天花掛滿雲朵，好靚靚。 打開個餐牌，真係款款都咁吸引，又想食三文魚，又想食吞拿魚。最後我揀咗制霸！鵝肝海鮮盛丼，有齊我至愛嘅材料，包括帆立貝、鵝肝、海膽。帆立貝有好多粒呀，唔使就住就住，每粒都好新鮮鮮甜， 口質感扎實。仲有鵝肝香味濃郁，食落去有入口即化幼滑嘅質感。碗合埋黑魚籽、蟹籽，真係好豐富🤤🤤！蟹籽咬落爽脆，加埋個蛋黃同鮮甜黑魚籽，撈落啲飯度食「鮮」味十足！ 因為老公唔食得生嘢，就點咗個重量級燒牛扒盛丼，啲燒牛肉堆到滿瀉咁滯，牛肉燒得好香，生熟適中，牛肉肉質嫩滑，帶有脂肪香，配合埋蛋黃醬一齊食非常美味。 叫多咗個芝麻雞翼做小食，超顏呀！個外皮香脆又乾身，咬落去依然好多肉汁。 食日本嘢當然要飲番個麵豉湯先圓滿啦。