小茶屋 (已結業)

向來都好鍾意飲各款日式茶，呢間喺旺角嘅小茶屋採用四款日式茶為茶底作基調-有抹茶、焙茶、玄米茶同埋煎茶。鮮奶焙茶紅豆$38本身諗住選擇配搭鮮奶黑糖珍珠，但係我去到嘅時間有啲晏，冇曬珍珠，不過配搭紅豆都非常之match~漸層顏色好靚，要搖勻佢先飲得，焙茶帶有少少燶味焦香但係又唔會苦澀。鮮奶玄米茶紅豆$38玄米茶有佢獨特嘅米香味，加埋鮮奶好順滑，揀咗少甜唔會太甜，紅豆煮得夠淋又亦唔會太甜～包裝非常特別，係透明易拉罐，打開嘅時候好似飲汽水咁， 好有feel！真係幾好飲，下次經過會再買～