影片
更多
2022-02-08
79 瀏覽
💎總評分：9.0/10-嗜辣嘅小編鐘意食酸菜魚多過水煮🌶️，因為感覺上無咁多油，呢日突登嚟試下呢間主打冷鍋酸菜魚嘅餐廳。除左魚，仲有正宗重慶麻辣雞煲、泡椒雞煲🐓、多款川菜主食。中午嚟lunch set都只$65-$75，2點後下午茶仲有85折優惠，實行中等價位食高質川菜💰。🚗 餐廳係地舖，今次小編好彩地泊正喺門口，條街都多位可以泊，但係危唔危險就唔知啦。 1️⃣ 必食冷鍋酸菜魚 $208Menu入面鍋類section仲有雞煲同乾鍋🐔，不過一心想食酸菜魚嘅小編當然係叫魚啦🐟。冷鍋嘅意思係嚟到時入面嘅食材己經熟左，無需再加熱可以直接食，但係好似雞煲咁，食完後可以加湯變打邊爐🍲。火鍋配料都好多，不過小編今次就無打邊爐，淨係食佢個酸菜魚。一嚟到個鍋真係好大，入面嘅材料相當豐富，萵苣、芽菜、辣椒一定唔少得🌶️，仲有金菇同寬粉，唔洗另外加錢都有😚，酸菜份量好多，無骨魚塊新鮮嫩滑，足足有成18片🤩。一共5個辣度，唔食得辣嘅人士仲可以㨂走辣添！今次小編㨂左小辣，湯底味道調得剛好，酸辣得嚟清甜👍🏻，最欣賞佢唔會成層油喺面，唔會有油淋淋嘅感覺。2️⃣ 夫妻肺片 $65；涼拌藕片 $38好多小食涼菜選擇，呢度嘅夫妻肺片
-
嗜辣嘅小編鐘意食酸菜魚多過水煮🌶️，因為感覺上無咁多油，呢日突登嚟試下呢間主打冷鍋酸菜魚嘅餐廳。除左魚，仲有正宗重慶麻辣雞煲、泡椒雞煲🐓、多款川菜主食。中午嚟lunch set都只$65-$75，2點後下午茶仲有85折優惠，實行中等價位食高質川菜💰。
🚗 餐廳係地舖，今次小編好彩地泊正喺門口，條街都多位可以泊，但係危唔危險就唔知啦。
1️⃣ 必食冷鍋酸菜魚 $208
Menu入面鍋類section仲有雞煲同乾鍋🐔，不過一心想食酸菜魚嘅小編當然係叫魚啦🐟。冷鍋嘅意思係嚟到時入面嘅食材己經熟左，無需再加熱可以直接食，但係好似雞煲咁，食完後可以加湯變打邊爐🍲。火鍋配料都好多，不過小編今次就無打邊爐，淨係食佢個酸菜魚。
一嚟到個鍋真係好大，入面嘅材料相當豐富，萵苣、芽菜、辣椒一定唔少得🌶️，仲有金菇同寬粉，唔洗另外加錢都有😚，酸菜份量好多，無骨魚塊新鮮嫩滑，足足有成18片🤩。一共5個辣度，唔食得辣嘅人士仲可以㨂走辣添！今次小編㨂左小辣，湯底味道調得剛好，酸辣得嚟清甜👍🏻，最欣賞佢唔會成層油喺面，唔會有油淋淋嘅感覺。
必食冷鍋酸菜魚
$208
10 瀏覽
0 讚好
0 留言
2️⃣ 夫妻肺片 $65；涼拌藕片 $38
好多小食涼菜選擇，呢度嘅夫妻肺片有牛𦟌、牛脷、金錢肚🐮，正常都要落辣油都以避不了油膩，但係味道確係好食😋。藕片切得好薄所以比一般爽脆入味，兩個涼菜都係揀左小辣，已經夠晒麻辣香口👏🏻～
夫妻肺片
$65
6 瀏覽
0 讚好
0 留言
3️⃣ 炸小饅頭 $38
簡簡單單嘅一道菜，但係小編每次都會叫✨。其實饅頭並不小，係正常size😅，金黃色外脆內軟，熱辣辣嘅時候再點埋煉奶，無可挑剔💯。
4️⃣ 蜜桃沙冰 $42；柑桔青檸梳打 $35
食辣野點可以唔叫野飲？蜜桃沙冰甜度適中🍹，無好假嘅糖漿味，解渴一流。另外小編叫梳打係因為soda water零卡路里💃🏻，柑桔嗰少少甜應該都唔會好肥，適合減肥人士💪🏻。
餐廳嘅酸菜魚質素比想像中好❤️，多人D嘅話做埋打邊爐應該好正，其他主食望落都吸引，有機會都會二訪🥰。
-
環境服務：⭐⭐⭐⭐
食物質數：⭐⭐⭐⭐⭐
打卡指數：⭐⭐⭐
張貼
