Pizza Maru (朗豪坊)

營業中

休息中

今次嚟到朗豪坊入邊一間韓式Pizza餐廳，係一間都幾適合朋友聚會嘅餐廳，兵仔今日都係同娘娘嚟食飯！呢度最出名嘅就係Pizza同炸雞，當然兩樣都唔可以錯過！pizza上面嘅牛肉都好香，個底都好鬆軟！炸雞雖然嗌咗兩個口味，但係除咗層皮其實味道差唔多，入面好多肉汁，雞肉都好嫩滑，絕對唔會厚粉！叫咗個都幾韓式嘅辣魷魚烤蛋拌飯，都係保持到一貫嘅水準！不過係有少少辣嘅，要留意番啦。兵仔本身就好鍾意食意粉，呢個帶子泡菜卡邦尼就真係一流，平時食卡邦尼可能會有啲膩，呢個就完全唔會！越食越開胃添！等咗咁耐都真係值得啊！滿意！