德福閣

今日朋友帶我嚟到呢間位於旺角仕德福酒店入面嘅德福閣食自助餐，約四佰蚊酒店形式嘅自助餐，幾抵食🤩餐廳位於酒店樓上閣樓，環境光鮮整潔。自助餐提供包括前菜、冷盤、刺身、主食、飲品及甜品😋仲有啤酒汽水任飲同Movenpick雪糕都係任食～前菜&冷盤區小食有日式茄子、木耳、螺肉、中華沙律、壽司、日式冷麵、巴馬火腿伴蜜瓜、煙鴨胸及火腿等…必食✅巴馬火腿伴蜜瓜🍈蜜瓜超甜好多水份😋而冷盤有蟹腳，凍蝦、青口、刺身及壽司有三文魚、鰻魚、北寄貝同魷魚等…另外侍應會奉上生蠔🦪每人有4隻😋大大隻好肥美。主菜區燒香草羊脾、咖哩牛腩、辣子雞、陳皮欖角豚肉、日式茶碗蒸、紅酒燴牛面頰、紅咖喱鴨、鮮菇扒時蔬、中式炒飯、海南雞、清蒸海上鮮、中式老火湯及西式湯。必食✅紅酒燴牛面頰🐮肉質好淋身好入味;海南雞🐔肉質鮮嫩，啖啖肉~飲品&水果區自助飲品機自製奶茶、咖啡、鮮奶及朱古力等等，另外有可樂汽水、雪碧、忌廉梳打罐裝汽水及啤酒，水果有西瓜、蜜瓜及菠蘿。甜品區有專人即製水果班戟、梳乎厘、鮮果忌廉蛋糕、芝士蛋糕、芒果布甸、雜果啫喱、牛油蛋糕、奶凍、燉蛋、和菓子、馬卡龍及朱古力噴泉等等，另外亦有Movenpick雪糕，選擇好豐富。必食