Doux (已結業)

之前有朋友講過呢度甜品幾好食，今晚心血來潮食完晚飯就走過黎。八點半入到去好多人，簡約裝修，環境較暗，望向落地玻璃會見到高樓下的大廈燈光。餐牌設計好靚，見到牛扒就流哂口水，但今次主攻甜品，下次先食正餐啦。🍰Stick $108上枱時候店員會淋酒、點火，蛋糕外脆內軟帶焦香，十分好食，想再食多件。因剛才淋上酒的關係，好似食緊冧酒味既雪糕甘。🍋Lemon $98檸檬造型賣相吸睛，切開入面係質感綿滑既慕絲，外脆內軟層次分明，配埋旁邊香脆既杏仁金寶就更加好食。🍹薰衣草椰青檸檬冰 $56薰衣草味道強勁，配合椰青水都幾特別，加上檸檬帶點酸甜感覺。🍹芒果香橙冰茶 $56果香味十足，飲落似水果茶，加上甜度適中，清新好飲。