2021-04-12
82 瀏覽
如果話響旺角食雞煲有兩間我會上去一間喺附近麥花臣球場另外一間就係十分方便,位於彌敦道嘅新南苑。今日我哋揀咗牛魔王套餐,首先係食咗個惹味雞煲,呢度用嘅係三黃雞,肉質比較肥美彈牙,我哋叫咗微辣,唔會太辣,搶曬雞嘅味道,最重要嘅係要落埋佢勁脆嘅油炸鬼,連埋嘅雞汁食,十分惹味!店員推介我地點灌湯小籠包,放在湯中滾6分鐘,內裏真係好juicy,肉質鬆化,皮薄餡靚! 墨汁墨魚丸超爽口,好有鮮味, 食到一粒粒墨魚粒;鮮蝦雲吞冇鹼水味而且蝦夠大隻。 鴨血切得都夠大塊有口感! 食到差唔多落埋個出前一丁去索湯底嘅味簡直一流。食完雞煲,大家都知係食任打邊爐吧,我地選左澳門豬骨湯底!喜歡食牛嘅朋友食依個餐就最啱,美國黑毛和牛肉眼扒,安格斯肩胛,肥牛安格斯牛小排,美國肥牛係任食,最正係美國黑毛和牛肉眼扒,我地鍾意佢無咁肥之餘,係4種牛之中最香牛味嘅,厚薄適中有咬口!$288一位,唔食其他配料,勁食牛到番到本!食品方面都唔弱,有可樂,無糖可樂,忌廉,同大量韓國飲品選擇,仲有唔好忘記出邊有數款小食例如我至愛嘅炸芋圓同埋酥炸魷魚圈,仲有酸辣鳳爪日式海螺日式墨魚,同埋超級入味嘅麻辣鴨血魚蛋加豬皮。臨走佢哋會主動送上滑
今日我哋揀咗牛魔王套餐,首先係食咗個惹味雞煲,呢度用嘅係三黃雞,肉質比較肥美彈牙,我哋叫咗微辣,唔會太辣,搶曬雞嘅味道,最重要嘅係要落埋佢勁脆嘅油炸鬼,連埋嘅雞汁食,十分惹味!
店員推介我地點灌湯小籠包,放在湯中滾6分鐘,內裏真係好juicy,肉質鬆化,皮薄餡靚! 墨汁墨魚丸超爽口,好有鮮味, 食到一粒粒墨魚粒;鮮蝦雲吞冇鹼水味而且蝦夠大隻。 鴨血切得都夠大塊有口感! 食到差唔多落埋個出前一丁去索湯底嘅味簡直一流。
食完雞煲,大家都知係食任打邊爐吧,我地選左澳門豬骨湯底!喜歡食牛嘅朋友食依個餐就最啱,美國黑毛和牛肉眼扒,安格斯肩胛,肥牛安格斯牛小排,美國肥牛係任食,最正係美國黑毛和牛肉眼扒,我地鍾意佢無咁肥之餘,係4種牛之中最香牛味嘅,厚薄適中有咬口!$288一位,唔食其他配料,勁食牛到番到本!
食品方面都唔弱,有可樂,無糖可樂,忌廉,同大量韓國飲品選擇,仲有唔好忘記出邊有數款小食例如我至愛嘅炸芋圓同埋酥炸魷魚圈,仲有酸辣鳳爪日式海螺日式墨魚,同埋超級入味嘅麻辣鴨血魚蛋加豬皮。
臨走佢哋會主動送上滑溜嘅3.6牛乳布丁,好少有食到咁濃香咁滑密度咁高嘅布丁,大家記住要留肚食埋先走吖!
查看之前的留言 ()
張貼