火鳳凰火鍋料理 (已結業)

收工去旺角買啲野，就到食飯時間，上網搵到呢間火鳳凰打邊爐餐廳，原來呢度除咗打邊爐外，下午仲做點心午茶。我哋晚上當然試下佢哋嘅火煱啦！今次揀左港式沙嗲鍋，花生味濃郁，甜甜地得黎好香，食落亦唔會太鹹，唔會越食越口渴。肉同海鮮什至唔洗點額外醬料都好好食！超值海鮮盛🐟海鮮Set好足料，夠哂2人食到飽！ 蟶子（4隻）、鮑魚（4隻）、海蝦（4隻）、元貝（4隻）、蠔（4隻）同埋翡翠螺（4隻）隻隻海鮮都夠哂新鮮又鮮甜，原汁原味味唔洗點醬最好食。水庫大魚頭好大份，大魚頭肉質幾鮮嫩，口感軟滑，食落充滿骨膠原。蟹籽鮮蝦滑手打蝦滑真材實料，咬落爽彈之餘配上蟹籽粒粒更有口感，係我打邊爐必點嘅配料之一。田圓蔬菜拼盆蔬菜好新鮮，份量夠哂2人分享，仲有鮮冬菇吸哂啲沙嗲湯好正。鮮腐竹吸咗湯底嘅味道，食落有豆香，啱哂中意豆製品嘅人。稻庭烏冬烏冬幼滑又有彈性，為今次打邊爐畫上完美句號，沙嗲湯底夠香濃啱哂掛湯！👅味道💛💛💛💛💛🍽環境💛💛💛💛💛💦衛生💛💛💛💛💛💯抵食💛💛💛💛💛