火鳳凰火鍋料理 (已結業)

天氣凍，最好就打邊爐，朋友介紹佢屋企附近開左間新食店，中午食點心，晚上就火鍋。今晚就去試新野😁。入到店內新裝修無耐，全部都是卡位又寬闊又坐得幾舒服👍🏻點了個胡椒粟米蘿蔔豬肚鍋，個湯底都幾足料👏🏻，打邊爐最緊要碟牛，來個手切安格斯牛頸脊，賣相不錯，雪花唔多，但牛味重，幾正👍🏻。叫了個特色食品（三國演義）姐係三色墨魚，食落似墨魚滑，好彈口🤭。蝦兵遇上老油條🤣個名好攪笑，即係油炸鬼配上蟹籽，中間有啲墨魚膠，我老婆話好好食😋。之後來個白鱔片，嘩！鱔片好厚肉又大片，咬口感一流，仲要份量唔少，真係超抵食👏🏻👏🏻。打邊爐我通常都會叫菜，點了菠菜苗，點知份量大到，好似嚟咗盆花咁🤣🤣，真係好誇張，名副其實抵食夾大件😆。滿足晒，下次要黎飲個茶先🙂。