影片
更多
2009-09-02
34 瀏覽
前排同友人到旺角揀母親節禮物揀完就去咗砵蘭街揾地方打冷友人甚為奄尖,本嚟出發前已經上咗O仔揾定去邊間食好死唔死出到嚟忽然失憶剩係記得店名有個"新"字又好死唔死旺角好多潮州嘢都鍾意用新字行頭碰一碰運氣揾咗間新泉發試吓,點知中咗當晚叫咗鵝片,蘿蔔豬紅,炒蜆同蠔仔粥鵝片好嫩好軟又夠鵝味蘿蔔豬紅幾惹味不過鹹咗少少,不過打冷嘢預咗係咁(用嚟送潮州粥就啱啱好)炒蜆洗得幾乾淨,無沙,蜆仔細細味道ok蠔仔粥湯底唔錯蠔仔亦有鮮味埋單200蚊左右另外要讚嘅係,雖然佢鋪仔細細又喺砵蘭街,但係地方好乾淨又友人唔小心倒瀉茶,呀叔即刻9秒9拎布嚟幫手抹,抹完仲記得補返杯茶俾佢,服務不錯都有要彈嘅,就係碟頭幾細,啲餸我兩個人食就話啱啱好,四個人去食真係每人夾兩下已經清碟到最後奄尖友人講咗句"呢間嘢,下次都可以再嚟"已經算係非常高嘅讚美,鍾意打冷嘅朋友不妨一試
揀完就去咗砵蘭街揾地方打冷
友人甚為奄尖,本嚟出發前已經上咗O仔揾定去邊間食
好死唔死出到嚟忽然失憶剩係記得店名有個"新"字
又好死唔死旺角好多潮州嘢都鍾意用新字行頭
碰一碰運氣揾咗間新泉發試吓,點知中咗
當晚叫咗鵝片,蘿蔔豬紅,炒蜆同蠔仔粥
鵝片好嫩好軟又夠鵝味
蘿蔔豬紅幾惹味不過鹹咗少少,不過打冷嘢預咗係咁(用嚟送潮州粥就啱啱好)
炒蜆洗得幾乾淨,無沙,蜆仔細細味道ok
蠔仔粥湯底唔錯蠔仔亦有鮮味
埋單200蚊左右
另外要讚嘅係,雖然佢鋪仔細細又喺砵蘭街,但係地方好乾淨
又友人唔小心倒瀉茶,呀叔即刻9秒9拎布嚟幫手抹,抹完仲記得補返杯茶俾佢,服務不錯
都有要彈嘅,就係碟頭幾細,啲餸我兩個人食就話啱啱好,四個人去食真係每人夾兩下已經清碟
到最後奄尖友人講咗句"呢間嘢,下次都可以再嚟"
已經算係非常高嘅讚美,鍾意打冷嘅朋友不妨一試
張貼