曼谷泰煮意海南雞專門店 (已結業)

上個星期同朋友出去旺角食飯，無意間見到呢間新開嘅泰國菜，個名好得意叫「曼谷泰煮意」，於是就走左入去食飯。經店員友善嘅推薦，同朋友叫左🦐泰式生蝦- 生蝦刺身好新鮮，秘製醬汁好惹味🦀泰式咖哩蟹- 咖哩蟹係店長推介，咖哩汁非常好味，唔會太辣，而且咖哩蟹好大隻，有厚厚嘅蟹肉，用咖哩汁點其他嘢食都好好食👍🥦泰式蒜蓉炒西蘭花🍜泰式雞炒金邊粉- 金邊粉炒得好入味，雞肉都好多，襯埋咖哩汁一齊食，味道一流🐟鹽燒烏頭- 鹽燒烏頭燒得好脆口，但肉質唔乾身，而且仲好入味，唔會太鹹🥭🍚芒果糯米飯- 糯米飯熱辣辣，芒果夠曬甜，係我最愛嘅泰式甜品🥤泰式珍多冰🥭🍧芒果沙冰- 估吾到呢杯芒果沙冰甘勁靚，賣相同打卡一流，仲好好飲添🍍🍧菠蘿沙冰- 最後埋單，見到菠蘿沙冰好吸引，仲忍唔住外買左一個添😆整體餐廳食物質素好好，環境 都吾錯，坐得舒服；廚師係正宗泰國人，味道正宗，好有驚喜，值得推介😋