泰屋

營業中

休息中

行完旺角，醒起彌敦道726號新裝修開左好多新餐廳，咁啱樓下派緊promo單張，呢間泰國菜睇來唔錯，一如上去坐坐。餐廳裝修係清新森林大自然風格，同泰國風光都幾吻合。【青咖喱牛腩】牛腩份量都幾足，兩個人食好似筆極都筆唔晒。牛腩軟冧冧，不塞牙；青咖哩小小辣，開胃送飯，好味。【炭燒豬頸肉】無肉不歡的食客必點豬頸肉厚切，肉質軟嫩，點一點醬汁，一啖一啖停不了口。【細冬蔭功鮮蝦湯】食泰菜點可以唔食冬蔭功呢份湯用料足，一大隻虎蝦，加埋好多雜菌，酸酸甜甜辣辣。不過隻🦐好似雪左好耐，肉質再嫩些就更好啦【馬拉盞通菜】今晚最滿意之一！好大份，撈勻蒜蓉同肉碎，夠火候，菜又冇變黑色，我一個人食左三分二最後加左一件【椰汁西米糕】椰汁層唔會太甜膩，入面仲有粟米粒帶出一啲清香，兩人share一件都好開心。雖然唔係平價，但食物質素同餐廳環境都係值得嘅。