僕之拉麵 (已結業)

今次約咗個男性客戶朋友出旺角食晏，正諗緊食啲乜好，就諗起呢間之前食過，有超多肉嘅特色拉麵店。相信一定啱鍾意肉食獸嘅朋友。店鋪位於豉油街，係洗衣街花園對面，沿著新寶戲院行入去就不難見到。進入餐廳，右邊有一排吧位，入面有大約有二十多個座位。餐廳主要提供兩款湯底、五款拉麵，再有兩款限定拉麵。另有配料可追加及數款小食。餐廳提供點餐紙供客人自行選擇。果然朋友選了《肉愛食者拉麵》配豚骨濃湯（$120），的確超誇張，有三倍叉燒圍滿碗邊、另再加上角切叉燒，及配上味筍、味付雞蛋和蔥花。呢款真係完全適合肉食者嘅拉麵。我就選擇了《人氣拉麵》配豚骨濃湯（$98），配有叉燒、紫菜、粟米、味筍、味付雞蛋、蔥花。呢款啱曬我哋女士食，喜歡有紫菜同粟米，整碗拉麵更豐富香濃。麵底及湯底都很不錯，真心連湯都可以飲埋。然後我們再追加左兩款小食 《炸章魚》（$30）及《炸餃子》（揚餃子4個/$30），炸章魚超好味，香脆熱辣辣、章魚鮮味肉質十分爽口，超正推薦試下。炸餃子同樣即叫即炸，皮脆香口惹味。飲品主要以支裝及罐裝飲料為主。選了《烏龍茶》及《綠茶》（$18） 。整體來說，拉麵、湯底有質素。想食好味拉麵嘅朋友，必要一試。如果鍾意