捌壹壹 (奶路臣街)

營業中

休息中

今次係旺角行街既時候想食下辣野，就搵到呢間捌壹壹，佢地有好多唔同既野食，例如有酸菜魚、口水雞、火鍋，岩晒我地呢啲乜都想食下既人 😍😍 🟥冷鍋酸菜魚見到係必食推介，即刻叫黎食，果然真係無介紹錯，睇個名千其唔好以為係凍食，其實係熱辣辣架，黎到就聞到好香，啲魚肉好滑，而且份量好多，我地今次叫左中辣，食得辣既朋友可以叫更辣，一定會更香更惹味。一入口唔會好油，而且有麻辣既香味，好開胃好好食。 食完仲可以加其他餸食火鍋架，好夠飽😍 🟧炸饅頭 我好鍾意食炸饅頭，見到就即刻叫黎食啦，呢個好抵叫，因為佢份量十足，有６大舊，隻隻都炸到金黃色，入面好鬆軟，加埋煉奶真係無得輸！ 🟨 炸墨魚餅 都係炸得唔錯，個顏色好吸引，而且有好濃既墨魚味，點埋佢地個醬係一個好開胃既前菜😳😳😳 🟩荔枝沙冰 雖然已經係10月但係間唔中都係熱辣辣，食完辣野飲返杯沙冰真係透心涼，好正。