影片
更多
2019-05-01
392 瀏覽
腸粉向來都是香港人最愛的美食之一，尤其是那些即叫即拉的腸粉，白滑而泛油光，上桌時仍熱辣辣，是早茶必備的點心，不過講到近期最流行的腸粉則非潮式皺皮腸粉莫屬。早前見朋友到訪了旺角這間「一條腸粉」，見啲腸粉造型很特別，皺摺有層次，賣相吸引，已經很想一試，可惜近排太多約會，實在騰不出時間，趁這晚有點空，就立即坐言起行。餐廳位於旺角道 26號地下，由我公司搭巴士過來，剛好就在門口落車，位置對我來說，真的非常方便。拉開趟門而入，店內地方不大，幾乎一眼望曬。牆上寫滿了腸粉的由來、分類同多款餐廳嘅主打菜式，而門口就擺放了一座石磨機。聽說米漿是每日新鮮即磨，腸粉即叫即蒸，證明佢地係真材實料！餐牌很簡單，分成底面兩頁，原來除了主打的招牌潮式腸粉外，店內還有不少地道汕尾小食、原創特色撈飯和飲品等供應。潮式腸粉可以自由揀選配料，每碟只是由 $20 起，已免費配上生菜、芽菜及玉米，另外亦可因應個人喜好，+$4 配雞蛋/冬菇/菜脯粒；+$6 配豬肉/豬潤/蝦米；+$8 配牛肉/臘腸/叉燒；+$10 配鮮蝦/蠔仔/牛腩粒；+$20 配帝皇蟹柳/安格斯牛肉； +$30 配原隻元貝/原隻蟶子王，選擇非常豐富。我哋點咗兩
餐廳位於旺角道 26號地下，由我公司搭巴士過來，剛好就在門口落車，位置對我來說，真的非常方便。
拉開趟門而入，店內地方不大，幾乎一眼望曬。牆上寫滿了腸粉的由來、分類同多款餐廳嘅主打菜式，而門口就擺放了一座石磨機。聽說米漿是每日新鮮即磨，腸粉即叫即蒸，證明佢地係真材實料！
餐牌很簡單，分成底面兩頁，原來除了主打的招牌潮式腸粉外，店內還有不少地道汕尾小食、原創特色撈飯和飲品等供應。潮式腸粉可以自由揀選配料，每碟只是由 $20 起，已免費配上生菜、芽菜及玉米，另外亦可因應個人喜好，+$4 配雞蛋/冬菇/菜脯粒；+$6 配豬肉/豬潤/蝦米；+$8 配牛肉/臘腸/叉燒；+$10 配鮮蝦/蠔仔/牛腩粒；+$20 配帝皇蟹柳/安格斯牛肉； +$30 配原隻元貝/原隻蟶子王，選擇非常豐富。
我哋點咗兩碟腸粉，另外再揀咗四款汕尾小食同兩罐飲品。呢碟腸粉有雞蛋、菜脯粒、蝦米、臘腸同原隻蟶子王 ($72)。
而另外呢碟腸粉就有玉米、雞蛋、冬菇、豬肉、叉燒同鮮蝦 ($52)。兩碟腸粉味道都唔錯，皮薄而晶瑩剔透，加上質地柔軟香滑，入口有陣陣米香，水準不俗。配料當中以菜脯粒同豬肉最搶鏡，前者質感爽脆，入口帶淡淡鹹香、而豬肉食落亦有鮮味。豉油鹹度適中且非常惹味。
輪到吃小食，先嚐蔥香小油條 ($16)，這款油條外觀看起來跟「油炸鬼」差不多，但就比較迷你的骰，食落非常鬆脆，入口一點也不油膩，咬開可以清楚見到氣孔。
至於這款海豐小米 ($28) 外形細細粒，有點似魚皮餃，餃皮煙韌軟糯，原來據說係用蕃薯粉做嘅，內裡包裹著豬肉和大地魚粉，入口既鹹鮮又富嚼勁，毋須蘸醬汁，已令人吃得津津有味。
接著是一客巨型手打魚蛋 ($28)，這裡的手打魚蛋是用炸的方式處理，弄好後再切成一片片上檯。魚蛋外層炸至色澤金黃，入口外脆內軟，咀嚼時感覺很彈牙，有魚味又不覺腥，不油不膩，香口非常。
最尾呢款係汕尾菜茶 ($42)，成品盛得滿滿，上桌時大大碗，份量十足。舀起一看，除了面層的炒米和花生外，還有臘腸、魷魚、肉丁、蝦丁、菜甫和七種以上嘅青菜，用料超級豐富。馬上吃一口，米花帶鹹香，肉的精華盡滲湯中，既有菜的清香，也有陣陣回甘的甜味，口感澎湃。 
王老吉 ($10) 、椰子汁 ($10)店裡的飲品選擇都幾多，而且跟餐仲會有特價，非常經濟。店舖地方雖然比較細，如果坐滿人的話，應該會感覺有點逼，但食物幾有水準，而且菜色定價唔貴，更不設加一，加上餐廳營業至凌晨五點，是旺角宵夜之選。
張貼
