燒烤堂 (已搬遷) 新店位置

而家越開越多燒烤店，天時暑熱想食燒烤又唔想熱最好就係去下呢啲餐廳呀！今日就嚟到旺角呢一間燒烤堂！未睇餐牌我就知我自己一定會叫嘅雞泡魚干，呢間做得唔錯唔會燒得太過火！羊架，幾出色因為佢切開裏面仲係有汁嘅呢幾串分別係牛舌，雞肝，雞心同埋牛肉！值得一讚嘅係佢個雞心，腌得好入味仲要冇雞內臟嘅腥味！蒜蓉焗蠔，蠔嘅size唔係好大，不過味道調校得唔錯！比較特別嘅會係呢一個雞皮，佢唔係好似出邊食到咁細細塊，而係真係好似你食雞全翼嗰塊雞皮咁成塊拎出嚟燒，好香脆！蒜蓉焗雜菌最後朋友仲叫咗串雞子我自己就唔食嘅，不過聽佢講味道都算唔錯而且都幾大粒