牛丼家

營業中

休息中

本地品牌齊柏林旗下日式丼飯「牛丼家GYUDONYA」旺角店正式開業，餐廳有兩層，不過座位就唔算太多。2樓嘅枱設有一人電磁爐，相信不久之後就會提供超抵食嘅一人火煱套餐。新張試業期間，除咗冰紅茶或者白桃汁免費添飲一次，仲可以用優惠價$100/5碗嘅套票，平均一碗只係$20，真心癲。我同朋友旺角買完野，就順便試埋。分別叫咗雙重芝士牛肉飯同埋牛魔王飯。升級套餐就有野菜/公魚仔/炸雞同飲品/麵豉湯。宜家咁熱，而且仲有添飲，緊係要冰紅茶同白桃汁啦。 公魚仔同炸雞都大路。雙重芝士牛肉飯雖然無咩拉絲嘅效果，但相當唔錯，絕對同某橙色品牌有得比。牛肉汁都幾豐富，成個飯都係。牛魔王飯嘅挽用，肉質鮮嫩多汁，始終係走平價路線，當然唔可以同IFC某店相比啦，大家要明白呵。整體嚟講，依個價錢可以有咁嘅質素，係好唔錯。