肥公車仔麵 (已結業)

呢間肥公車仔麵真係好抵食，平日中午經過都見到大排長龍，我朋友已經食過好多次，今日佢帶我去試，果然一試難忘。 我叫左一碗河粉跟墨魚丸、生菜同豬腸，另外加一杯大豆漿。墨魚丸有三粒，入口頗有彈性，味道不錯。至於豬腸，淨係睇顏色就知夠入味，食落果然有香濃嘅鹵水味。生菜同豆漿就正常味道，不過不失。 另一方面，我朋友叫左一碗幼面配豬腸、雞翼、牛腩同菜心，另外加一支可樂。雞翼好入味，裡面啲肉都有滷水汁味，見到深褐色嘅牛腩裡面夾有少少筋，食落好軟綿綿，證明已經炆到淋曬。😋 兩個人食到飽飽連飲品都係86蚊，如果對環境唔太講究的話，中午係度食碗麵真係好滿足，要留意平時office hour 放lunch就會特別多人。