Romanne Leisure Food Concept (砵蘭街) (已結業)

自從疫情之後, 原來已好少出入朗晴坊。 因為怕多人, 又要等。今日咁啱經過, 好似去得過就試下朋友介紹既lee間餐廳。朋友話環境真係好舒服, 好坐。 最緊要野食唔差。上到黎真係唔錯。 可能都係樓上舖，唔係太滿人。坐底後服務員有禮貌放底menu就行開。 唔會好趕住要落單。我地都係簡左set lunch: 澳洲有骨肉眼扒和檸檬海鹽烤春雞配西班牙腸。 set lunch再跟沙律和餐茶。 真係唔好睇少佢地既set lunch, 真係幾大份。沙律比起出面既已算大碟。 沙律菜好新鮮, 唔會見到黑邊。肉眼扒開頭以為會係普通野, 因落單時冇問過幾成熟, 但黎到, 係最剛剛好既5成熟。 仲以為5成熟好生, 完全唔會。 我估佢係煎焗過, 所以中間半熟得黎好稔，而外表係好乾身。 真係意外地好食。 而薯菜都唔係求其既蔬菜底薯條。 佢係用小南瓜, 青瓜, 薯仔，茄子, 蕃茄仔。 真係好豐富。烤春雞半隻都算適中。 好入味，又稔身。 真係好有水準。果然朋友冇介紹錯, 真係食得好舒服既一餐晏。