第三站

網上好多人推介呢間喺金雞廣場嘅樓上Cafe ，見到個價錢唔算太貴，賣相又幾好，一於嚟試吓。平均每個set都係百零蚊，包埋一杯$38嘅嘢飲，可以補差價嗌貴啲嘅，再加多$38就可以送埋沙律同埋cheese cake，價錢都合理，算抵食。我哋嗌咗個卡邦尼煙肉雜菌意粉（$106）同埋煙三文魚忌廉蕃茄醬扁意粉（$132），兩碟嘅份量都啱啱好，賣相都好吸引，卡邦尼意粉面頭滲咗啲芝士粉，煙肉嘅份量比平時出邊食開嘅都多，卡邦尼汁濃度都係啱啱好，唔會太稀亦都唔會太杰。另外一碟煙三文魚意粉，煙三文魚上碟擺得好靚，成朵玫瑰花咁。兩碟意粉咬落係比較硬身嘅，幾有咬口，我自己都鍾意食硬身啲嘅意粉，所以整體我都幾鍾意食！另外我哋仲嗌咗一碟蜜糖芥末單骨雞翼（$76），佢嘅賣相比較特別，將啲雞肉推晒去一邊，露咗一條跟翼骨出嚟，睇落一啲都唔似雞翼，但反而呢個食法啖啖肉，食落都幾爽幾方便，蜜糖芥茉係一碟醬汁另上，雞翼新鮮即炸，炸到金黃色，入口嫩滑熱辣辣，同我同芥末醬好夾，食落幾開胃，幾好食！嘢飲我哋就補差價咁嗌咗兩杯朱古力奶昔，朱古力味都幾濃郁，唔會太甜，佢整得都幾有心思，係杯嘅內側搽咗啲朱古力醬，令到成個賣相更加高級，而