殿·大喜屋

營業中

休息中

久違的放題，終於都同朋友一齊食到啦!今次來到這間係旺角帝京酒店入面的殿大喜屋，餐廳環境超大，自助區有多款食物、飲品可以自取，而網上落單亦有多款食物可以選擇，連魚子醬都可以任食，會唔會太正!自助區包括有蒸點心、小龍蝦、炸物、湯類、糖水、水果、前菜等，淨係前菜都已經有好多款式可以選擇!而榴槤蓉亦係最受歡迎的食物之一！除左食物，亦有多款飲品可以選擇，自家製茶、罐裝或紙包茶飲、汽水、啤酒、清酒、梅酒等都有！而網上落單亦有多款類別可以選擇，刺身、壽司、魚子醬任食，佢地既海膽仲要係日本海膽黎架，夠哂正！刺身厚切而且新鮮，壽司不會太大舊，食完仲有位再食其他食物！花膠海參、鮑魚撈飯、醉鮑魚、特大花膠都可以任食，當中個人覺得花膠海參湯最正！另外仲有乳鴿、鵝肝多士、避風塘炒蟹呢啲放題較少見嘅食物可以食到！乳鴿炸得香口多汁，炒蟹估唔到啖啖肉！當然亦有羊架、燒鯖魚、串燒、天婦羅可以食到，佢既蟹粥、清酒煮蜆都好正好好味！最後當然要吃雪糕，這裡有自家製軟雪糕、雪條、movenpick、Häagen-Dazs 等雪糕可以任食，我就選擇了榴槤雪條，味道香濃，真係非常滿足呀！