沙田頭火鍋 (已結業)

旺角性價比高火鍋店 – 沙田頭火鍋趁住仲凍凍地同屋企人試多幾間高質邊爐，今日去油麻地呢間沙田頭火鍋，淨係火鍋湯底都有好多款，我今日就揀左個椰子文昌雞鍋， 仲有多款靚牛、海鮮同手工靚餃🌟湯底: 椰子文昌雞鍋 ($178/半隻)餐廳用既係新鮮文昌雞，仲有新鮮即開椰青倒椰青水落湯底度，建議先滾3分鐘再等5分鐘，食左雞件再飲埋頭啖湯，我自己飲左兩大碗頭啖湯，超清甜🌟特級手切本地鮮牛頸脊 ($298)打邊爐識食一定食牛頸脊，肥瘦分佈平均，手切薄片每邊淥幾秒就食得，牛味超濃郁，打邊爐首選🌟時令海鮮拼盤 ($298)呢款時令海鮮拼盤有蟹、蜆同蝦，大蝦超生猛上到枱仲識得郁既，蜆肉鮮甜無沙，隻蟹超多膏，而且店員預先扑碎蟹鉗食起上黎非常方便🌟手打鮮滑三拼 ($98)我地諗緊四寶丸定手打鮮滑好，最後揀左手打鮮滑三拼，有墨魚滑、蝦滑同牛肉滑，份量都唔少，全部都好彈牙又真材實料，牛肉滑帶有嚼勁超驚喜🌟自家製鮮蝦雲吞 ($88)鮮蝦雲吞夠哂精緻，入面仲有原隻鮮蝦，皮薄餡靚，正🌟三秒脆響鈴 ($58)話明三秒脆響鈴，當然淥三秒就好拎上黎啦，香脆鬆化而且不太油膩，即炸的溫度襯熱食就最好不過🌟赤小豆薏米水 ($32)飲