荔香園冰室 (已結業)

平時去開旺角想簡簡單單食又唔知食咩好，見到荔香園冰室既裝飾品裝修走懷舊風，幾特別咁，就試下啦！皇牌沙丹豬扒鮮茄焗飯 $50一夾起就係一塊大過我塊面既豬扒，肉質唔會過冧，味道方面都醃得唔錯！面頭仲加多隻太陽蛋，配埋個汁食，正！芝士流心厚西多士 $32黎到港式餐廳，當然要試下個西多士啦🤤 而家見到芝士流心會完全無抵抗力🤣 西多士切開有少許拉絲效果，食落芝士既咸香味都幾出，連埋西多既糖漿食都幾夾喎！可以一試！哩到仲有好多懷舊飲品，包括有懷舊雜果冰、抹茶紅豆冰，都係好熟識既味道啊！👍🏻🎈地址：荔香園冰室 (旺角)旺角通菜街1號威達商業大廈地下N號舖