影片
更多
2024-07-08
2251 瀏覽
Up a Notch Homemade Pasta & Pizza同朋友為咗餐廳既海膽意粉慕名探訪，點知發現要叫chef’s tasting menu 先有得食海膽意粉, 無得散叫🥲 咁就唯有試嚇啦! $988 for two, 服務員會好細心介紹每一道菜! 覺得叫ala carte menu 會抵啲~😛舖頭大, 環境好特別, 一邊係浪漫花牆, 有大螢幕同liveband表演, 另一邊充滿bearbrick, 形成強烈對比, 星期五去餐廳都坐哂滿人!————————————————感想:❆ 香煎鴨肝 Pan Fried Foie Gras 鴨肝味濃郁🦆可以打隻蛋,撈勻佢先再搽埋魚子醬擺喺麵包上麵食❆ 西班牙紅蝦薄片 Carabinero Carpaccio 薄片切好既紅蝦非常鮮甜, 質感彈牙，配埋蛋魚子醬同埋麵包脆食, 每一啖都好有滿足感🦐❆ 海膽蟹肉扁意大利麵 Sea Urchin Linguine 意粉汁加咗兩隻北海道海膽海膽落去煮, 面頭都有一隻海膽做裝飾!撈埋魚籽同蟹肉食，每一啖都掛汁同口感層次豐富, 充滿海膽味🧡❆ 紅酒燴和牛臉頰肉 Braised Wagyu Beef Ch
同朋友為咗餐廳既海膽意粉慕名探訪，點知發現要叫chef’s tasting menu 先有得食海膽意粉, 無得散叫🥲 咁就唯有試嚇啦! $988 for two, 服務員會好細心介紹每一道菜! 覺得叫ala carte menu 會抵啲~😛
舖頭大, 環境好特別, 一邊係浪漫花牆, 有大螢幕同liveband表演, 另一邊充滿bearbrick, 形成強烈對比, 星期五去餐廳都坐哂滿人!
————————————————
感想:
❆ 香煎鴨肝 Pan Fried Foie Gras
鴨肝味濃郁🦆可以打隻蛋,撈勻佢先再搽埋魚子醬擺喺麵包上麵食
❆ 西班牙紅蝦薄片 Carabinero Carpaccio
薄片切好既紅蝦非常鮮甜, 質感彈牙，配埋蛋魚子醬同埋麵包脆食, 每一啖都好有滿足感🦐
❆ 海膽蟹肉扁意大利麵 Sea Urchin Linguine
意粉汁加咗兩隻北海道海膽海膽落去煮, 面頭都有一隻海膽做裝飾!撈埋魚籽同蟹肉食，每一啖都掛汁同口感層次豐富, 充滿海膽味🧡
❆ 紅酒燴和牛臉頰肉 Braised Wagyu Beef Cheek
8小時慢煮既牛臉頰肉好腍, 紅酒味濃🍷, 新鮮薯蓉都入口即溶, 索曬啲紅酒同牛肉嘅精華
❆ 是日甜品 Daily Dessert
自家製心太軟芝士蛋糕同埋雪糕, 心太軟一切開就流曬啲朱古力醬出嚟😍又香又好食, 三樣嘢都好出色
————————————————
整體:
✦ 價格: 4.0/5
✦ 味道: 4.1/5
✦ 服務: 4.2/5
✦ 環境: 4.2/5
✦ 再訪指數: 4.0/5
Up a Notch pasta & pizza
@up_a_notch_mk
地址: 旺角砵蘭街160號地舖
營業時間:
星期日至一 12:00-22:00
星期二至六 12:00-23:00
張貼
