Up a Notch Homemade Pasta & Pizza

營業中

休息中

我地一行幾個人諗住咁耐無見搵個地方傾下計食野，咁朋友係網上搵到間西餐廳 諗住試下la去到間餐廳環境唔錯 有個大電視同播緊d歌都幾新 整體感覺都幾好但問題開始出現啦！當日中午見都有好幾台客人，諗住叫員工過黎點餐 舉左一陣手都好似望唔到咁，咁我地再示意想落order la ，個位員工就話唔好意思等等，咁我地等左大約10-15分鐘先黎幫我地落單之後每一次想要人都起碼要等10-15分鐘跟住個員工都有同我地講 唔好意思，得佢一個人返工雖然我地表面接受 但你成間餐廳咁大得你一個員工關我地咩事？無理由我地因為你得一個員工我地每次要等成10-15分鐘？你地經理唔識去安排多一個人手去幫手點解要食客去接受同體諒？食物同環境都唔錯 其實個員工態度都無問題但我覺得無理由一個服務性行業提供唔到應有既服務囉！

同朋友慶祝生日，揀咗呢間餐廳，餐廳好大，有兩層，而且裝修都幾有feel，餐廳每晚7:30到9:30會有歌手唱live，大家可以食住飯聽歌，我哋嗰日個歌手中文加英文歌都有唱，嘢食方面，我超級推介牛舌，餐廳裏面有個燒牛舌超好食，擺上枱已經好靚，之後食落好淋好易咬，熟度啱啱好，pizza意粉同豬肋骨都OK，意粉係手工意粉都幾好食，而且咁啱嗰日我哋係慶祝生日，餐廳仲有一個少少煙花用嚟慶祝生日，餐廳真係幾有feel，服務員俾我感覺好似好急咁，豬肋骨食到一半就急住幫手換碟，但其實我碟上面個舊嘢食未食完🤣🤣不過整體都覺得幾好

想揾間餐廳可以飲下野，本身見呢間餐廳網上評價一般般，但用餐之後覺得幾吾錯喎👀餐廳不同區域都有特色裝修，仲有Live band show增添氣氛，店員亦好耐心介紹餐廳特色Menu，最後同朋友坐左差唔多3個鐘先走😳不失係一個聚會好地︎❤︎ 牛油果蟹肉塔塔($158)軟滑牛油果蓉入面滲透住清香嘅檸檬味，配搭蟹肉作為前菜系非常輕盈清爽，加左藜麥仲有脆脆嘅口感🤣︎❤︎港式卡邦尼義大利麵($148)醬汁質地好濃厚，做到每條麵上都佈滿嘅效果，整體好重芝士奶味，仲有淡淡煙肉嘅燻香，真係適合香港人口味喎👀❤︎BBQ牛肉手工薄餅($168)餅底屬於薄脆路線，但批邊都有保留應有口感🍕燒烤牛肉好入味好Juicy，芝士份量夠滿足，特別位係有加入醃甜椒，甜甜脆脆咁好解膩❣️

今次我番工過左黎旺角呢邊做野，同事介紹我黎呢間西餐廳食飯，佢話夜晚黎過幾好feel，野食又唔錯，咁我梗係要跟佢黎試下啦😌呢間餐廳勁大，環境超好，成間餐廳都係唔同既bearbrick，如果係bearbrick迷真係要黎潮聖，旁邊有個位置係比live band表演既，不過我地lunch就冇表演睇😗Lunch set（+$38）午市可以以$38加配餐湯或沙律，同一杯餐飲，我地一人揀左一款，沙律菜幾新鮮，個湯當日係忌廉湯，呢個湯偏杰，我就覺得唔錯😆港式卡邦尼意大利麵（$148）呢個卡邦尼用上白菌，煙肉，忌廉，紅洋蔥，黑椒，巴馬森芝士，佢個意粉係用自家製既幼麵，一食就食得出個質素係唔同，甚至可以話睇得出，佢個醬唔算好杰，但係夠濃，好creamy既味道🍝夏威夷莎樂美腸自家製薄餅（$168）呢個pizza包括有千島醬，莫礼瑞拉芝士，菠蘿，莎樂美腸，煙肉，開心果，我就對有菠蘿係pizza上面冇咩反感，所以我揀呢個，少少酸甜幾好味，最鐘意就係入面有開心果碎，周埋個芝士都好味🍕呢間餐廳個環境真係頂級，夜晚黎應該勁chill，午市黎既話就有半價優惠，所以午餐黎可能感受唔到氣氛，但就平d，食物質素都幾好，特別

旺角有間高質打卡西餐廳，環境超大有兩層，多個打卡位，其中透明螺旋滑梯🛝、多隻可愛熊公仔好吸引，夜晚仲有live band唱歌🎤， 食物水準很好👍瑪嘉烈女皇薄餅 🍕上面鋪上聖馬爾扎蕃茄醬,水牛莫札瑞拉芝士,羅勒菜,油浸乾蕃茄好開胃又好味🤤卡邦民蛋黃手工意粉口感煙靭的手工扁意粉，再加上蛋黃鮮味，仲有滿滿Creamy口感，使我欲罷不能！芝士藍莓🫐蛋糕🍰自家製蛋糕🍰都有水準， 使人回味！現在仲有前所未有的半價優惠！餐廳為慶祝兩周年，星期一至五平日的指定時間都做全單半價， 極吸引!

我朋友最近喺網上面搵到一間比較特色嘅餐廳 Up a Notch🌟夜晚7:30開始就會有表演者唱live ～ 咁我哋就可以一路食飯一路享受音樂 relax 下 我哋叫咗一份沙律～ 佢可以加$20另外加巴拿馬火腿或者係煙三文魚🙌🏻🙌🏻 我哋揀咗巴拿馬火腿 😛超多火腿啊唔該 原來配生菜都幾好食 🤤 之後就係我哋嘅重頭戲 燒春雞 ！ 佢哋嘅燒春雞外脆內軟 雞皮燒到剛剛好 好香 雞肉亦都做到剛剛好 完全冇Overcook 💕 所以一切開就見到雞肉好Juicy 咬落去真係啖啖肉汁 雞肉好鮮嫩⭐️⭐️ 現場氣氛好好～ 佢哋有個好大好靚嘅聖誕樹同埋聖誕裝飾 🎍 一路亦都有歌手唱歌 🎤 而我哋就一路享受美食一路同朋友傾偈 💬 不知不覺都坐咗幾個鐘 🥹🥹👍🏻 有個咁好嘅環境同朋友傾傾吓偈 食物質素高 總體嚟講都覺得佢哋嘅性價比好高🫡🫡

🐺Bearbrick迷必去的旺角Up a Notch📸以輕工業風設計，樓高兩層夠空間感，老闆見我眼定定睇d收藏品，主動又熱情介紹。 初初見Op會催單限時有d擔心，點知完全無依回事，仲邀請我哋留耐d睇liveband，服務好nice又attentive👍🍕夏威夷莎樂美腸薄餅 (Hk$168): 手工薄餅底柔軟煙韌，至愛自家千島醬夠酸甜開胃，配莫札瑞拉芝士、菠蘿、莎樂美腸、煙肉和開心果🍝港式卡邦尼意大利麵 (Hk$148):巴馬森芝士配豐盈醬汁，意粉Q彈掛汁，粒粒煙肉粒、洋蔥夠咬口🍹凍檸茶 (Hk$38):甘口茶香清新微澀🍊橙汁(Hk$38): 橙汁酸香解膩，冰凉感十足(All subject to 10% service charge)📍Up a Notch Homemade Pasta & Pizza旺角砵蘭街160號地舖(港鐵旺角站 E1 出口, 步行約4分鐘)

環境非常闊落開揚有兩層樓面，是酒吧高質餐廳的西歐工業氣氛風格，除了牆內的多種熊公仔及大型聖誕佈景板裝飾，還有一條透明螺旋滑梯，藝術裝修設計滿分，服務員態度亦非常有禮迅速，還會與客人互動，還有駐場唱歌手坐鎮唱歌，感覺十分舒適。而膳食方面，煙三文魚藍芝士pizza，切成正方體的型形狀超方便食用，加上餅底薄脆的質感，配上香草煙燻三文魚和藍芝士洋蔥，是款鹹香鹹香的優雅pizza。另外，安格斯牛肉漢堡餐，即有一大把粗切脆熱薯條，可以沾上兩種醬料配搭，番茄醬以及香草黑松露醬，一薯兩食。漢堡包更使用了甜麵包做包面，內裏漢堡多達2cm厚度，大份到需要解剖漢堡，芝士煙肉加上火箭菜和後蕃茄的配搭非常惹味，是一個材料十足的漢堡包。

約朋友食晚飯，book 左呢間餐廳7pm. 朋友遲到再加盪失路（明明喺朗豪坊直行就到🙈🙈），等埋佢黎到，差唔多7點半先開始叫野食，勁唔好意思，坐左半粒鐘乜都未叫🙈🙈不過餐廳都冇催我叫野食，只係介紹左個二人餐比我。我同朋友都唔算太餓，人大左，食左餐豐富既午餐，晚餐就食唔落太多野😔 食唔落個二人餐，所以散叫左個小食拼盤同意粉。見我地叫左個小食拼盤，店員細心提議我地先上小食，慢慢傾下計，聽下歌，後上意粉💜U.A.N. 小食拼盤（$168)有雞翼（我地揀左🌶既水牛城雞翼），酥炸八爪魚粒，炸薯條雞翼係單骨雞翼，唔算太🌶，幾野味酥炸八爪魚粒，朋友以為係炸雞粒😂，明明有少少煙韌，我覺得呢個小食幾得意，炸物唔多粉👍炸薯條係我最愛既粗薯條😋加左少少紫菜碎夜晚有歌手live 唱歌，仲可以即場點歌，都幾開心，可以聽住自己鐘意既歌，傾計吹水，今晚個歌手都唱得幾好聽。見open rice好多人都推介佢個手工意粉，就試下💜明太子鮮蝦手工幼麵（$188) 整體都幾好食，🍝幼麵👍 醬汁味道夠😋，🍤大隻又爽口😋 如果一個人食係好夠朋友叫左檸檬梳打，話好飲因為夠凍我個杯凍檸茶反而唔太夠凍😂 間餐廳樓底好高，應該有2層高，

𥚃𥚃外外都好多唔同嘅呢隻熊仔，好吸精，就連路過門口都可以免費打卡，勁正。上層仲有個超巨型瀡滑梯，可以瀡落嚟，好顛呀。Sauteed Clams $168Tiger Prawn Linguine $198（Cold）Avocado Honey Green Tea $88見到生日服務有live band免費唱生日歌、甜品碟寫名、免切餅費、亦可以即場比幾十蚊喺餐廳度買Starbucks蛋糕，下次朋友生日都可以考慮再嚟。

我係同行都頂你地唔順。我地一行7，8人去試下呢間，一開波推介我地食Dinner set,但要$998/2人，咁我地第一次黎想散叫，想咩都試下先啦梗係，但未齊人，所以諗住慢慢叫，但已經吹我地快啲叫野食，得90分鐘，如果唔係唔夠時間食，當日6:30，全場得幾枱，ok算，你有你規矩，唔會同你坳。之後我地慢慢散叫住D野食，講真，呢個價仲要限時既西餐，我唔洗係呢間食好老實，味道唔太對得住價錢，如果好食，俾貴啲無所謂，而且最慘係酒精類飲品同無酒精一樣，真係無味。哭了。想埋單嗰陣時，佢話我哋仲爭一個主食未叫，一人最低消費要叫一個主食…..佢指俾我地睇佢有寫，但行字你要好留心睇先見到，飲品唔計…..埋單total:$2050 唔係話你收得貴，而係限時食西餐，一人最少要叫1個主食，重要唔太好食，所以先唔再叫，但你個規矩又迫我地叫多樣，真係想喊。1.Carbonara傳統做法 蛋漿落太多，黏口加冇乜味2.酒精飲品Cocktail，真係冇味3.pizza （得呢個算係好食）4.食set有120分鐘食，散叫得90分…食得西餐如果我食set,想坐下傾下計都係得120分鐘…咁我加多$200-$300去酒店食都得啦

餐廳設計滿有趣，標榜手工做的麵食，就來試試。外面看到很多不同的Bearbrick作window擺設，入內飄著Halloween 的裝飾，給它chill 到，不想坐在它們之下，就選了正中的一枱。Lunch 時段只有 A la carte，加$38可跟餐湯& 飲品。點了5 cheese pizza & truffle cream pasta，沒要飲品。Pizza 薄薄脆脆，olive oil 滿滿，cheese 份量也是薄薄的一層，但比較咸。Pasta 好creamy，看出是DIY，反而creamy sauce 不咸，刺激不到我的味蕾。這店用的是銅餐具及水杯，好特別也很有意思，欣賞。食物份量不多，share 食不會太膩，剛好。Drinking water 有檸檬，心意不錯。樓底高，聲音可散開，令大廳不會太吵鬧，晚上還有live band及update 的節日項目，應該很吸引吧！

旺角近期大熱西餐🍴🔥❇️香煎八爪魚及油甘魚刺身前者簡單煎香，吃得出八爪魚原始的濃厚味道～；後者賣相精緻，油甘魚刺身和自家製爽脆蘿蔔再以番石榴汁配搭意外地清新，別有一番滋味🤔❇️是日餐湯我們加配了自家製龍蝦湯配龍蝦肉（+$48）湯頭濃郁加上啖啖龍蝦肉非常鮮美～😍 椰菜花蓉湯亦十分驚喜！清新香爽🔥❇️大閘蟹黃意大利飯今餐的重頭戲！滿滿的大閘蟹黃淋在意大利飯上，粒粒分明的煙韌飯黎掛滿濃郁醇厚的蟹黃香氣誰能拒絕😍🙌🏻❤️另外還佐以紅薑絲配搭一起吃客可降低膩感❇️香煎白鱈魚如果大閘蟹黃意大利飯是直接味蕾重重一擊，是日MVP就是白鱈魚的靈魂燈籠椒醬汁。店家秘制配方令到燈籠椒醬汁易入口之餘帶點酸甜，吃到上癮（會變成萬能蘸醬😂❤️）❇️火焰心太軟配是日蛋糕及雪糕相機食先！除了吸睛火焰效果加分，心太軟+抹茶蛋糕+海鹽雪糕作完美的句號

行行吓街想坐低食意粉，搵到呢間有手工意粉同自家製pizza嘅就想入去試吓。一入門口已經比成個環境吸引咗😍間餐廳環境闊落，檯與檯之間有足夠距離，坐得舒服又唔會比隔離檯騷擾。鍾意靜靜地同朋友聚餐傾計，lunch hour黎就最適合😌有啲現代流行音樂嘅抒情歌 (e.g MC，陳蕾，周杰輪嘅)😌夜晚就有live band睇，非常適合黎飲杯野😆嗰日我哋仲見到兩檯客人慶生，職員都非常配合佢哋🥳落完order就新鮮滾熱辣咁上菜了🤤🦐明太子鮮蝦手工幼麵 $188 (😸😸😸😸😸) 啲麵彈牙有嚼勁，尤其啲汁好入味😍忌廉汁混集咗少少蝦油嘅味，口感勁creamy🤤蝦嘅數量亦都唔少，每一舊就算調味唔重都食得出蝦既鮮甜，而且彈牙唔痴殼又挑曬蝦腸，證明啲蝦好新鮮😍值得推介！🥰🍕bbq牛肉pizza $168 (😸😸😸😸)自家製Pizza個皮好脆，鋪上滿滿嘅燒烤醬炒牛肉，整體口感同味道好豐富😋食落去feel到啲牛肉係用油爆炒過，充斥住油香味🔥加上開心果粒配燒烤蕃茄醬同腌甜椒做配搭，口感酸酸地甜甜地，係perfect match!🤤☕️咖啡 (😺😺😺)咖啡就普通美式咖啡，建議都係叫杯cocktail或者佢哋signatu

我好耐無食難食野，可能我要求高，但禁大間餐廳食物質素竟然差過一d工廠cafe，不得了👍🏻Avocado crab tower $158，超普通Daily Soup $68，無味既菜湯Halibut $238，嚡熠熠既魚+菇Uni Risotto $188，超腥問個Waiter點解禁腥，佢話海膽Risotto一定係腥😊佢一定係無食過唔腥既Risotto，因為我之前係觀塘工廈一間Cafe食過，真係好出色，係完全無腥味，西利呀呢到，完全唔建議大家食🙅🏻‍♀️劣食👎🏻