巧　すしたくみ (已結業)

嚟到旺角都係掃街為主，有時想食得好少少，食得decent少少可以嚟到山東街嘅巧　すしたくみ ＠sushitakumi，提供唔少時令海產🐟午市壽司盛合百幾二百蚊起有交易，可以坐係席前睇住師傅即席手握壽司，性價比都唔錯👍🏻👍🏻若然同行朋友唔食魚生，都可以點佢哋嘅和式料理套餐，豐儉由人。豐州壽司盛合🥗麵豉湯、沙律🍣廚師精選12貫大拖羅、赤身、油甘魚、赤蝦、墨魚、帶子、海膽、時令鮮魚3款、玉子、松葉蟹每款壽司都有厚厚一片魚生，口感不錯🫶🏼🫶🏼大拖羅超大條，啖啖肉😍；赤身個拖尾都係長長一條，厚肉軟滑😛😛帶子亦係十分厚肉鮮甜。松葉蟹幾好食😋海水味濃郁。海膽色澤比較淺，食落無深色嘅甘香味咁出，但口感特別creamy。呢日嘅時令鮮魚包括鮫鰈魚、深海池魚同鰽魚，鮫鰈魚較彈牙；鰽魚再爽彈一啲，深海池魚加咗少許柚子胡椒調味都ok😗🍼牛奶布甸午市套餐仲有牛奶布甸😙布甸質感creamy似mousse狀，我prefer挺身啲嘅質感，不過呢個奶香味幾突出，作為（壽司）飯後甜品都唔錯。人均消費：$350推介指數（10分為滿分）：7.5分