日悅極尚日式放題 (已結業)

之前喺尖沙咀食過呢間日悅放題餐廳，今次佢旺角店新開張唔係好耐，一於又去試下啦！酒店式甜品放喺當眼處，同各款前菜一齊任食，有中華沙律、海蜇、螺肉、泡菜等；呢度refill嘅速度好快，又新鮮，唔錯！首先，先介紹刺身，有北海道帶子、三文魚、松葉蟹腳、赤貝同蠑螺好鮮甜，蟹腳非常大隻，又多肉，鮮甜！脆紫菜海膽軍艦，真係冇得輸，海膽非常鮮甜，仲有牛油果軟殼蟹卷，大大條炙燒蟹棒壽司，好好食！熱食有脆卜卜嘅天婦羅蟹柳同蝦，串燒有燒牛舌、雞軟骨同烤羊架，羊架好稔同入味，肥牛好重牛味，值得一試！多款任飲飲品最令我開心嘅就係有得食仲夏野莓雪糕！人氣推薦果然係唔同啲！