LAB10 (裝修中)

平時食燒肉都成身煙燻味，而身處旺角既呢間韓燒店主打「無煙韓燒」既放題就啱晒唔想食到成身味既我哋啦😙。裝修方面，餐廳以實驗室為主題，非常新奇有趣，今次嗌咗$298既supreme set，食物款式多得黎，質素亦都非常唔錯，適合同朋友一起聚餐chill一chill。店員服務態度非常好，主動得黎亦都好親切，推薦幫襯！！ 😋 ✨安格斯牛拼盤🐮一坐低冇耐店員就會送上一份拼盤，拼盤包括晒7款牛肉，包括美國安格斯板腱，西冷、牛肩肉、牛脊肉、一口牛、厚切牛舌以及牛五花。當中覺得最好食既係牛舌，口感脆爽，入口即化，encore必選！！ 😍 ✨韓式梨汁牛五花🐮呢份都係店員冇耐就會送上黎既牛肉，牛五花切的非常薄，只要輕輕燒3-5秒就已經可以食，入口有梨汁既甜味，肉質好滑，口感唔錯！ 😋 ✨柚子豬頸肉🐷豬頸肉肉質緊實，有微微既柚子香味，搭配埋店家提供既燒肉汁，味道啱啱好。🤤 ✨小食小食包括咗粟米炸雞塊、布朗尼、薯條等等，溫度適中，口感都keep到，食牛既時候可以試試，換下口味～～ 😜 ✨飲品放題可以任叫梳打水，最推薦菠蘿梳打，味道相對濃郁，冰凍解渴一流！ 😆