影片
更多
2021-11-21
362 瀏覽
旺角依間點心專門店打住牛肉世家既名號，所以招牌菜上面每一樣嘢食都係牛，我哋一場嚟到當然都唔執輸，試吓佢嘅牛肉出品。蒸點同埋煎炸野我哋都有叫到。乾蒸牛肉燒賣，牛肉口感都幾鬆軟，呢個鬆係好食有肉汁嗰種，咬入去仲有大大粒馬蹄，增添左啲唔同嘅口感。呢個煎牛餅對我來講就油左啲，比較似炸點。佢個外圍係脆卜卜嘅，咬開都有好多粟米粒係牛肉餅入邊，味道不錯。講開炸嘢，介紹埋另外一個特色點心 - 蜜瓜炸鮮奶。炸鮮奶食過，蜜瓜味嘅就比較少見。外層脆皮，入邊係甜甜軟軟好似布甸質感嘅蜜瓜鮮奶，食落仲暖粒粒添！相信如果佢出蜜瓜牛奶糕都一樣會好好食～依度嘅春卷都唔係傳統嘅春卷，入面嘅餡料係煙三文魚、芥末沙律汁同青瓜，我個人就比較鍾意傳統春卷味道多啲。最後由於依餐係晚餐嘅關係，我哋都叫咗個飯黎飽肚啲～份量都幾多夠兩人分享（有兩隻鳳爪呢）鳳爪係好林嘅，好容易吐晒啲骨出嚟。排骨就唔會太林，保留返肉既質感。而且餐廳好細心咁 將豉油另上，可以因應自己嘅口味調節咸淡～好彩我哋食飯時間比較早，一入去就有位。但食完飯出嚟見到門口已經有好多人等緊位，似乎都有好多人欣賞佢嘅點心呢！
乾蒸牛肉燒賣
15 瀏覽
0 讚好
0 留言
乾蒸牛肉燒賣，牛肉口感都幾鬆軟，呢個鬆係好食有肉汁嗰種，咬入去仲有大大粒馬蹄，增添左啲唔同嘅口感。
粟米煎牛餅
6 瀏覽
0 讚好
0 留言
呢個煎牛餅對我來講就油左啲，比較似炸點。佢個外圍係脆卜卜嘅，咬開都有好多粟米粒係牛肉餅入邊，味道不錯。
蜜瓜炸鮮奶
22 瀏覽
0 讚好
0 留言
講開炸嘢，介紹埋另外一個特色點心 - 蜜瓜炸鮮奶。炸鮮奶食過，蜜瓜味嘅就比較少見。外層脆皮，入邊係甜甜軟軟好似布甸質感嘅蜜瓜鮮奶，食落仲暖粒粒添！相信如果佢出蜜瓜牛奶糕都一樣會好好食～
三文魚青瓜春卷
22 瀏覽
0 讚好
0 留言
依度嘅春卷都唔係傳統嘅春卷，入面嘅餡料係煙三文魚、芥末沙律汁同青瓜，我個人就比較鍾意傳統春卷味道多啲。
鳳爪排骨飯
3 瀏覽
0 讚好
0 留言
最後由於依餐係晚餐嘅關係，我哋都叫咗個飯黎飽肚啲～份量都幾多夠兩人分享（有兩隻鳳爪呢）鳳爪係好林嘅，好容易吐晒啲骨出嚟。排骨就唔會太林，保留返肉既質感。而且餐廳好細心咁 將豉油另上，可以因應自己嘅口味調節咸淡～
好彩我哋食飯時間比較早，一入去就有位。但食完飯出嚟見到門口已經有好多人等緊位，似乎都有好多人欣賞佢嘅點心呢！
張貼
