影片
更多
2014-10-21
470 瀏覽
話說呢日原先係食另一間食店點知個間食店既員工太有性格，錯左都要我地另外搵日去先有得食咁當然我地都會唔食，搵其他野食話晒旺角，唔係會餓死人呀旺角勝在咩都有得食，平既、貴既咁係黑布街行行下見到有間八福食日式野，dinner set 都係$5X, $6X好似幾平(相對簡單晚市價)，咁就入左坐低左入到見到除左dinner set，仲有個二人前餐牌話都係$116，心諗咁抵!?老老實實二人前套餐，仲要有三個小食(每個都係三選一)再加一個飯、一個烏冬或者兩個烏冬都得仲要送埋特飲，呢個真係好抵雖然食之前都諗緊會唔會係好平，但野食真係麻麻因為七點左右個下真係無咩人係入面但都係叫左呢個套餐： 蒲燒鯛魚腩、厚燒玉子、和風炸帶子、日式咖喱蘑菇飯、冷烏冬茉香綠茶、柑桔青檸 蒲燒鯛魚腩 個燒汁幾好食、惹味，件魚腩入口唔可以話軟滑，但幾軟身 ；另外，件魚本身都係厚身。散叫原價要$4X，但係套餐入面又抵返晒。厚燒玉子厚燒玉子就唔算有咩特別，同埋就唔會甜玉子。 入口唔會散開，而且煮得唔錯，基本功係晒到，交到功課。和風炸帶子呢個食個陣要自己小心，因為佢係真係新鮮炸出黎；自己食個陣真係差D 整親條脷。 講返件帶子，唔算厚粉
點知個間食店既員工太有性格，錯左都要我地另外搵日去先有得食
咁當然我地都會唔食，搵其他野食
話晒旺角，唔係會餓死人呀
旺角勝在咩都有得食，平既、貴既
咁係黑布街行行下見到有間八福
食日式野，dinner set 都係$5X, $6X
好似幾平(相對簡單晚市價)，咁就入左坐低左
入到見到除左dinner set，仲有個二人前餐牌話都係$116，心諗咁抵!?
老老實實二人前套餐，仲要有三個小食(每個都係三選一)
再加一個飯、一個烏冬或者兩個烏冬都得
仲要送埋特飲，呢個真係好抵
雖然食之前都諗緊會唔會係好平，但野食真係麻麻
因為七點左右個下真係無咩人係入面
但都係叫左呢個套餐：
蒲燒鯛魚腩、厚燒玉子、和風炸帶子、日式咖喱蘑菇飯、冷烏冬
茉香綠茶、柑桔青檸
蒲燒鯛魚腩
個燒汁幾好食、惹味，件魚腩入口唔可以話軟滑，但幾軟身 ；另外，件魚本身都係厚身。散叫原價要$4X，但係套餐入面又抵返晒。厚燒玉子
厚燒玉子就唔算有咩特別，同埋就唔會甜玉子。 入口唔會散開，而且煮得唔錯，基本功係晒到，交到功課。和風炸帶子
呢個食個陣要自己小心，因為佢係真係新鮮炸出黎；自己食個陣真係差D 整親條脷。 講返件帶子，唔算厚粉，個炸粉係厚度適中，但件帶子可能好似有少少腥，但得一舊係咁(可能係個別事件 =P )。食個陣可以唔點沙律都得。日式咖喱蘑菇飯
個咖喱係有少少辣，係吊下條脷個種，唔會真係辣。其他就正正常常，不過個人食食下諗起KFC 個蘑菇飯。個米係煮得好架，間野做足基本功。冷烏冬
烏冬應該係呢餐既主角，話晒係自家制既烏冬，當場要試真D啦。開頭諗過下要熱定凍烏冬，不過見平時食得多熱，就試下冷烏冬。個烏冬麵身比平時個D薄身，但韌性唔錯，唔會話拿起就斷，入口幾順，無話黏住黏住。講返道菜就係素烏冬加蔥，自己可以決定落唔落，同埋有個醬汁俾你沾。個醬汁唔會好濃，淡淡地，幾易入口。整體而言，最滿意都係呢個烏冬。茉香綠茶、柑桔青檸
野飲唔記得左影，無左真相 (lol)。柑桔青檸無咩特別，飲埋好似沖出黎，不過唔會話好甜；反而，個茉香綠茶真係好香茉莉味，試左幾啖，想搶埋人地個杯黎。
二人前餐，仲有兩杯凍飲
題外話/補充資料：
成個二人前餐都係$116，凍飲兩杯，加埋都係$120 落樓。真心講句，旺角黎講真係好抵食，間野員工好禮貌，自認有少少麻煩，佢地都好有禮貌咁答你。食物有一定水準，基本功做得好，根基好好；烏冬真係靚，有保證。係旺角呢間野絕對平、靚、正。自己都會返去再食。
(以上食評乃用戶個人意見 , 並不代表OpenRice之觀點。)
張貼
