德福閣

之前上網見到d人話呢間餐廳自助餐好抵食，今日就同屋企人去食。自助餐每位客人有4隻生蠔，會由侍應送上。一見到忍唔住嘩一聲，真係好大隻🤣佢嘅海鮮區有好多款式嘅海鮮，有蟹腳、蝦、青口等，仲有刺身。其中，蟹腳真係最正，有鮮甜蟹味，唔覺意就食左幾條。👍🏻沙律區種類繁多，有常見既火腿蜜瓜、薯仔沙律、各式沙律菜等。熟食區都有好多款式，海南雞、ribs、蒸魚、鴨胸、雞球等。個ribs真係好嫩滑，燒得啱啱好，真係一試難忘。甜品區都好出色，朱古力Fountain、crepes, 燉奶、cheesecake, 仲有好多款式嘅甜品，仲有我最鍾意嘅movenpick雪糕！另外，每位客人會有一個疏乎厘。餐廳嘅服務真係好好，啲工作人員好樂意幫手，令人感覺好舒服。總括而言，德福閣嘅自助餐真係物超所值，值得一試！