韓燒大叔

營業中

休息中

我哋一家人都好鍾意食韓燒，今次食韓燒大叔係因為見到佢抵食，而且好多選擇！入到去好多 car 位，有啲座位係有兩個爐嘅！我哋4個座都好大好寬敞！坐低就可以自助落單，scan QR code 揀食物，十分方便！另外仲有自助區，自助區有配菜、醬料，再配埋自家製泡菜食，就 perfect match；仲有汽水機，冰凍柚子蜜，食韓燒怕熱氣，飲返杯柚子蜜就最啱！食物種類繁多，雞牛豬樣樣齊，有6款唔同部位嘅安格斯美牛 & 澳牛，有啲有埋醬料，燒出嚟唔洗調味就食得。如果想食海鮮刺身都得，每位加 $88 就可以升級。海鮮有半殼扇貝、虎蝦、凡立貝、青口等等⋯燒海鮮真係好好食；特別介紹 - 豬皮，燒豬皮真係必定要試；刺身有就三文魚、帶子、赤蝦⋯都係任食。當然唔少得熱食，全部都係即叫即製，保持熱度！熱食方面多款韓國小食，真係樣樣都好好食！之前講自助區，仲有即製爆谷、窩夫，自製軟雪糕機，仲有個甜品櫃，有泡芙、芝士蛋糕等等⋯記住要留返個胃嚟食甜品呀！我哋4位就送鰻魚，而我哋參加抽獎活動就抽中韓牛西冷，超級正！總結：食到好飽嘅一晚，大人細路都好啱食，約埋朋友嚟聚都一樣得，晚市放題係120分鐘，一路傾一路食就最啱。