小草十八怪石鍋米線 (已結業)

今日就去左位於通菜街既小草十八怪石鍋米線，估唔到原來都幾正！瑤柱蒜蓉海鮮荷葉飯：配料非常豐富，分別有蝦、魚肉片、蟹柳、魷魚圈、扇貝，海鮮都好新鮮! 至於荷葉飯蒸得好香，加埋蒜蓉同豉油，成件事都好夾，非常好食！肉骨茶：肉骨茶既食法同車仔麵一樣，可以自選配料，好岩咩都想試既我。今次我就叫左封門牛肉、雞肉、娃娃菜、蘿蔔同紅燒牛肚。牛肉同雞肉都新鮮嫩滑，至於牛肚就幾入味。蘿蔔都好鮮甜。肉骨茶湯底帶有陣陣藥材味，幾好食。蒜蓉燒茹子：茹子燒得好香，加埋蒜蓉同醬汁非常惹味。同埋茹子比想像中大條，好滿足。蒜蓉燒扇貝：扇貝嘅肉質爽口鮮甜，蒜蓉又多哂香，好正！串燒：我叫左不章魚鬚同雞肉串燒。串燒全部都係即叫即燒，肉質嫩滑又入味。原來餐廳係全港第一間有鹿肉食既米線店，下次真係要好好試下鹿肉！