甘甘好蔗 (已搬遷) 新店位置

檸檬茶、珍珠奶茶、椰子汁、菓茶⋯大家起登打士街就見得多、飲得多啦😎近日開咗間新既飲品店，叫做《甘甘好蔗》，主打全港首創甘蔗主題❣️平時想飲新鮮甘蔗汁一定要去涼茶鋪先有機會買到，而家起旺角掃街都買得到啦！當以為賣甘蔗汁間鋪裝修風格係田園風啦，點知係搶眼既橙紅色，而且鋪頭在人氣排隊小食店《肥媽小食》隔離😍日後買完肥媽既大皇牌就多一個飲品選擇啦❤️❤️小店有幾個系列供大家選擇分別是「經典甘蔗系列」、「天然甘蔗鮮果系列」、「特色班蘭特創系列」、有跟貼潮流嘅「特色手打檸檬茶系列」及第一次聽嘅「天然蔗汁遇上咖啡」‼️小妹因為是日太熱，行到嚟第一眼就被甘蔗汁吸引左，只係買左「經典甘蔗系列」的鮮榨甘蔗汁飲，清涼好味😋！如果配埋煎炸熱氣野一齊，就覺得飲一杯甘蔗汁好似無咁熱氣😂😂，對佢地既《蔗杯蜜瓜》有興趣，下次再試下先😚！而家《甘甘好蔗》做緊優惠活動：「在任何社交平台分享本店資訊，即可享第二杯半價優惠！」要帶埋男朋友嚟先飲到兩杯🤣🤣