大丸和風食堂 (已結業)

搵位度：🌟🌟🌟🌟🌟抵食度：🌟🌟🌟🌟🌟好食度：🌟🌟🌟🌟成個旺角搵餐晏系列呢，如果有排名啊，相信我都會揀佢做頭三。依頭返工搵餐晏無非都係想坐得舒舒服服，唔使排隊排餐死，仲要唔使$100落樓；加上味道過得去打工仔嘅要求，就係咁簡單。咁圖中嘅袋係我嘅過去食嗰兩個比較精選嘅午餐啊，一個係壽司烏冬，一個呢就係天婦羅拉麵，天婦羅拉麵，仲送兩舊三文魚壽司。要求高嘅朋友可能話唔係最新鮮，最好食嘅部位，一定㗎喇，咁平呀嘛。今日雖然讚咗咁耐，提醒返大家刺身丼份量係勁細嘅，要留意。肚仔餓嘅朋友呢就去揀石鍋飯啊又平又大，包你飽。仲要好少有地，呢一間日本餐廳係包港式餐飲啊。真心推介。