常嚐食•深燒堂 (已結業)

串燒向來都系近年好多人會好中意食嘅野食，發現尤其系油尖旺一帶特別多串燒，之前都食過幾間味道都唔錯，最近又發現左一間，位置10分方便，就喺旺角家樂坊附近，食完都可以周圍行吓街。串燒種類都吾少，海鮮、蔬菜、肉串、燒丸類，海鮮類好多喺出面串燒店都食吾到，好似珍寶生蠔、燒花甲、黃花魚等等。最特別每款系可以揀口味同埋辣度，咁就可以試勻曬吾同口味😊花甲粉真心抵食，$56就食到花甲湯底😍額外加每款配料$7-$8。花甲粉嘅花甲好靚，都算大隻，味道清甜，不過揀咗BB辣，味道都好似偏辣🥵大聖子都算系幾大隻，冇乜腥味，配埋椒鹽幾match。老闆話原條茄子系招牌菜，咁一定要試試🍆茄子本身已經燒得好香，一條條茄子肉抆出黎好滋味！份量系超多。燒金菇相對辣，其實本身都淨系揀咗BB辣，味道香口。安格斯牛柳粒吾錯，牛柳粒都有適量嘅肉汁，牛味香濃。燒雞肉相對遜色，裡面較乾身，不過燒雞肉都算系每次食串燒都必叫嘅食物。燒魷魚鬚超香口，燒魷魚鬚系平時周不時都會喺小食店食到嘅小食，質感幾爽口。每次去串燒店都會叫台灣腸，甜甜哋又有口感真心好味。