喜亭軒 (已結業)

同朋友行開旺角有個姐姐係到派傳單得知新開左一間咩都有既放題😍火鍋🍲雞煲🐥刺身🍣燒肉🥓真係乜都有wo一於就上去食下啦睇睇餐牌佢價錢唔貴，都係3百左右👍🏻咁即係同平時食放題都差唔多價錢姐入到去地方好大，我仲見到有人包咗房，佢哋仲有得唱K😱不過要點樣包房我就唔知喇首先，佢哋會先上一個刺身俾我哋，頭一輪係免費嘅，之後如果仲想食就要加錢叫㗎喇之後就係食雞煲🐥雞煲嘅份量控制得好好，唔多唔少，啱啱好，因為第一輪太好食，我哋叫咗2次🤣之後就開始打邊爐啦，都好多唔同嘅配料種類俾我哋叫，丸類，蔬菜類，肉類，海鮮類，真係樣樣都有啲喎👍🏻👍🏻👍🏻跟住就係食燒肉，都有好多選擇㗎，有雞翼，茄子，菠蘿，牛肉等等…最後就係食甜品呀！咁出邊有唔同種類嘅雪條，不過我哋實在太飽我哋都冇食到，咁我哋就叫咗雪糕，佢竟然有movenpick 嘅雪糕呀😍另外要值得講一下嘅就係出邊嘅嘢飲品，有好多唔同嘅款式，除咗有汽水仲有啤酒，另外仲有兩款自家製嘅飲品，甜度都適中，都幾好飲㗎👍🏻👍🏻喜亭軒 (旺角)旺角亞皆老街16號旺角商業大廈3樓