影片
更多
2022-10-07
42 瀏覽
📍初芋 𝗙𝗶𝗿𝘀𝘁 𝗧𝗮𝗿𝗼 (旺角) 成日喺旺角行街都會見到呢間開咗唔係好耐嘅糖水舖，今次終於入去一試(⁎⁍̴̛ᴗ⁍̴̛⁎)~ 初芋主打台式芋圓，同時亦混合了港式糖水，配搭好新穎！店舖嘅裝修以粉紫色作主調💜，佢哋有部份嘅甜品仲會加上乾冰作噴煙效果，超夢幻，🥰少女心滿滿！𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:💜重量級冰極芋圓鍋 ($128) 上枱時有著噴煙效果，仙氣滿滿，啱晒打卡！😍呢個芋圓鍋真係極之重量級，除咗有佢哋最主打嘅三色經典芋圓外，仲有十款配料，包括白桃果凍、荔枝果凍、椰子布丁、芋泥、紅豆、仙草、椰果、寒天珠、桃膠、蘆薈，十分豐富！而且仲可以自選糖水底，我哋就選擇咗楊枝金露，🤤芒果味超香濃，仲有好大粒芒果同大量西米，完全唔會酸！佢哋嘅芋圓口感好煙韌彈牙，而其他配料我最鍾意白桃果凍，味道好香甜，椰子布丁就好滑溜。💜紅莓谷3.6綿綿星球 ($78) 同樣會噴煙，賣相超吸引，而家夏天咁熱食呢個啱晒！🍧牛奶冰係用3.6牛乳嚟整，牛奶味好香濃！而且佢啲冰唔會太過水同太硬，係真係做到入口即溶㗎！🍓配埋大量嘅士多啤梨醬好正，另外佢哋嘅士多啤梨好香甜新鮮，綿綿冰入面仲有雪糕同爆爆珠，好有驚喜！💜芒果椰香色骰S
成日喺旺角行街都會見到呢間開咗唔係好耐嘅糖水舖，今次終於入去一試(⁎⁍̴̛ᴗ⁍̴̛⁎)~ 初芋主打台式芋圓，同時亦混合了港式糖水，配搭好新穎！店舖嘅裝修以粉紫色作主調💜，佢哋有部份嘅甜品仲會加上乾冰作噴煙效果，超夢幻，🥰少女心滿滿！
𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:
💜重量級冰極芋圓鍋 ($128)
上枱時有著噴煙效果，仙氣滿滿，啱晒打卡！😍呢個芋圓鍋真係極之重量級，除咗有佢哋最主打嘅三色經典芋圓外，仲有十款配料，包括白桃果凍、荔枝果凍、椰子布丁、芋泥、紅豆、仙草、椰果、寒天珠、桃膠、蘆薈，十分豐富！而且仲可以自選糖水底，我哋就選擇咗楊枝金露，🤤芒果味超香濃，仲有好大粒芒果同大量西米，完全唔會酸！佢哋嘅芋圓口感好煙韌彈牙，而其他配料我最鍾意白桃果凍，味道好香甜，椰子布丁就好滑溜。
💜紅莓谷3.6綿綿星球 ($78)
同樣會噴煙，賣相超吸引，而家夏天咁熱食呢個啱晒！🍧牛奶冰係用3.6牛乳嚟整，牛奶味好香濃！而且佢啲冰唔會太過水同太硬，係真係做到入口即溶㗎！🍓配埋大量嘅士多啤梨醬好正，另外佢哋嘅士多啤梨好香甜新鮮，綿綿冰入面仲有雪糕同爆爆珠，好有驚喜！
💜芒果椰香色骰Shake ($38)
外表好的骰可愛，入面好有層次，香濃嘅椰奶配上滑溜嘅芒果布丁🥭，再加埋一啲粒粒好有咬口！
💜奶蓋烏龍茶($38)
烏龍茶底好清香，🤩而佢哋嘅奶蓋超級厚!! 而且鹹香十足，超邪惡超cheesy!!
💜霸氣巨峰提子寒天梳打($30)
巨峰提子味好突出🍇，飲落好清新！
𝑨𝑫𝑫𝑹𝑬𝑺𝑺:
📍旺角西洋菜南街2N號新江大樓地舖
G/F, Sun Kong House, 2N Sai Yeung Choi Street South, Mong Kok
張貼
