影片
更多
2024-11-18
334 瀏覽
Seoul Shiok 📍 旺角奶路臣街17號THE FOREST 1樓110及111號舖朋友近排愛上打籃球，好多時放工後都會喺我公司附近球場打波等我收工。每次打完波，佢都會好肚餓，所以我哋都會食餐豐富啲嘅晚餐先返屋企。近排社交平台被一間旺角新開張嘅韓國餐廳洗版，座落THE FOREST商場內，地點方便，食飽仲可以行下附近嘅波鞋舖添！餐廳門面顏色鮮艷搶眼，風格既有玩味又夠新潮，瓷片檯同透明膠櫈亦好有特色，啱晒愛打卡嘅朋友！Seoul Shiok提供各種韓國菜式，主打炸雞、炒飯等，ATUM集團出品絕對有信心保證！ 💰$128瀑布拉芝士泡菜炒飯 🧀️瀑布拉芝士泡菜炒飯必定要點一份！橙紅色嘅炒飯混有啖啖泡菜，辣度適中，以熱盤呈上，誠意滿滿。炒飯四周同頂都灑有大量芝士碎，點火開爐後，有專人即場用熱火槍燒溶芝士，跟手快炒，好快就將芝士同炒飯二合為一。店員分享只要見到客人有興趣影相，佢哋就會將芝士泡菜炒飯拉到高一高，俾大家捕捉猶如瀑布一樣嘅畫面！混合芝士嘅泡菜炒飯令微微辣味變得溫和，一份有兩大碗飯，有得睇，有得食，真係正呀！ 💰$128韓式烤豬肉 🐖今晚我最愛嘅菜式係韓式烤豬肉，以鐵板盛載，保持溫度
📍 旺角奶路臣街17號THE FOREST 1樓110及111號舖
朋友近排愛上打籃球，好多時放工後都會喺我公司附近球場打波等我收工。每次打完波，佢都會好肚餓，所以我哋都會食餐豐富啲嘅晚餐先返屋企。
近排社交平台被一間旺角新開張嘅韓國餐廳洗版，座落THE FOREST商場內，地點方便，食飽仲可以行下附近嘅波鞋舖添！餐廳門面顏色鮮艷搶眼，風格既有玩味又夠新潮，瓷片檯同透明膠櫈亦好有特色，啱晒愛打卡嘅朋友！Seoul Shiok提供各種韓國菜式，主打炸雞、炒飯等，ATUM集團出品絕對有信心保證！
[價錢 Price]
💰$128
瀑布拉芝士泡菜炒飯 🧀️
瀑布拉芝士泡菜炒飯必定要點一份！橙紅色嘅炒飯混有啖啖泡菜，辣度適中，以熱盤呈上，誠意滿滿。炒飯四周同頂都灑有大量芝士碎，點火開爐後，有專人即場用熱火槍燒溶芝士，跟手快炒，好快就將芝士同炒飯二合為一。店員分享只要見到客人有興趣影相，佢哋就會將芝士泡菜炒飯拉到高一高，俾大家捕捉猶如瀑布一樣嘅畫面！
混合芝士嘅泡菜炒飯令微微辣味變得溫和，一份有兩大碗飯，有得睇，有得食，真係正呀！
[價錢 Price]
💰$128
韓式烤豬肉 🐖
今晚我最愛嘅菜式係韓式烤豬肉，以鐵板盛載，保持溫度之餘，亦將多餘油份逼出入口嘅豬肉就唔會油淋淋。烤肉醬味道濃郁，並帶少少甜辣，份外開胃。豬肉片有肥有瘦，肉質爽口不油膩，伴有少量椰菜同紅蘿蔔絲，配飯食一定好好味！
烤肉配有一碟新鮮生菜、辣椒同生蒜，非常推薦大家卷生菜包食，必定必定要加大量生蒜，包你食過返尋味！
[價錢 Price]
💰$158/半份
柚子蜂蜜醬油炸雞 🍗
Seoul Shiok韓國連骨炸雞有半份同全份供應，三款口味分別為火山辣炸雞、芝士炸雞同柚子蜂蜜醬油炸雞。我哋揀咗半份柚子蜂蜜醬油炸雞，醬汁鹹鹹甜甜，仲可以食到一片片柚子絲，異常解膩。炸雞外皮香脆，肉質嫩滑，雞肉十分juicy，頗有驚喜。
[價錢 Price]
💰$88
雪濃湯 🍲
雪濃湯內有數片牛肉、韓式餃子兩大隻，仲有白蘿蔔、蛋絲、紫菜絲同大蔥，相當足料。湯底清甜帶有牛香，最欣賞韓式餃子，皮薄餡多，菜肉同韓式粉絲塞滿內餡，食完一隻再想再食！
張貼
