喜來稀肉 (瓊華中心)

營業中

休息中

喜來稀肉在旺角瓊華開左全新分店，一入去就覺得裝修好靚好乾淨。燒烤盤係用左麥飯石不沾烤盤，有別於其他韓燒店，燒起上黎都冇咁易黐底。食韓燒最緊要有任食爐邊蛋，可以揀落唔落芝士。餐廳中間置位係小食同醬料bar，小食有泡菜芽菜青瓜等等，醬料除左基本的燒汁同辣醬，仲有芥辣等等多款選擇因為得兩個女仔食，所以單點左兩款牛肉，同埋一份蔥餅，再加飲品。望落好似唔多野，但食完已經好飽1. 喜來烤肉 $158 (150g)2. 牛護心肉 $160 (150g)3. 海鮮蔥餅 $90個人覺得喜來烤肉好食過牛護心肉，雖然牛護心肉牛味濃d，但喜來烤肉口感較嫩，煎熟後兩款肉都啖啖肉汁，整體黎講兩種都好食！海鮮蔥餅材料十足，份量夠大，食落好香口。職員服務都值得一讚，不時會自動快手幫我地換烤盤。