大山日本料理

營業中

休息中

呢排好耐冇去旺角，原來西洋菜南街附近開咗好多餐廳，今晚比呢個招牌吸引咗，想食日本嘢但呢間價錢唔會太貴，非常抵食，要搭lift 上二樓，入面裝修都充滿日本風既居酒屋，擺滿各式各樣嘅日本清酒，環境一流。menu 有好多選擇，花多眼亂。我哋要咗照燒魷魚筒、泡菜豚肉鍋、日式炒雜菜。原條魷魚筒好大條，份量好多，燒得火候剛好，好鮮嫩，唔會過韌，配上照燒汁非常惹味。豚肉鍋又係冇得輸，泡菜小辣，好入味。最推介點了海膽蟹籽炒飯，炒飯用上日本米，炒至乾身，飯更粒粒分明，更能突顯海膽同蟹籽既鮮味，整體配搭一流。炒雜菜分量多，咁大碟先58。依家旺角好難搵到間咁抵食嘅日本居酒屋。下次會再泥試其他菜式，值得推介！