越朝 (已結業)

假日前夕嚟到旺角食飯必然要排隊等位，努力搵緊少人排隊既餐廳之制，見到越朝竟然無人等，裏面仲有一張吉枱發達呀，唔洗等就有得食。但喺門口企咗幾分鐘，叫咗幾聲唔該都無侍應可以抽身嚟理下我地，再睇睇入面得3個侍應又要落單又要送菜，我地見餐廳既環境又幾靚下，食物又好吸引，咁唯有耐心等下啦。但喺等既期間，睇見已經有好幾班諗住幫襯既客都無耐性咁離開咗。軟殻蟹米紙卷 配有特配既醬汁，好夾好好味。米紙口感好好，一咬即開唔會硬大頭蝦冬蔭公超大隻大頭蝦，廚師仲好細心界開咗小小蝦殻，等客人可以更容易碌殻食到蝦肉讚。蝦肉有口感，鮮味之如仲入哂冬蔭公味。冬蔭公湯唔太辣配上大蝦味，一流推香矛豬頸肉撈檬檬粉一舊舊痴埋一舊，整唔散。味道一般，都係靠酸汁味。越式生菜包味道普普通通，肉碎唔夠香，份量小只得4塊生菜越朝炒飯味道尚可蝦餅味道ok凍滴咖啡熱飲會好味好多，一倒入冰咖啡味淡到無味，可能太多冰。但對比越南正式既滴溜咖啡就沒得比，味道差好遠要28蚊唔太值，無特別總括嚟講，餐廳食物都有3粒星，但缺乏人手，喺客人心過服務必有唔多唔少扣分吧。