Amplifier Restaurant (花園街) (已結業)

今日慶祝朋友生日，揀左一間位於旺角樓上嘅餐廳食西餐，感覺都幾好feel，今次揀左二人餐。頭盤要左4隻生蠔，侍應話係法國蠔，相當大隻。另外仲叫左巴馬火腿配蜜瓜同埋蒜香牛油田螺酥皮盒，酥皮盒有好香牛油味，夾埋田螺一齊食幾好味。餐湯有蟹肉龍蝦濃湯，好濃蝦味。主菜就有香煎日本帆立貝蕃茄醬意大利粉，帆立貝有四隻，相當大粒！意粉蕃茄醬偏酸，都幾開胃。另一道主菜就係威靈頓牛柳，酥皮夠香，牛柳夠嫩，個磨菇醬都好香，連墊底嘅菠菜洋蔥都好香，成道都好出色。是日甜品就係Oreo cheesecake，為呢一餐劃上完美句號。