影片
更多
2022-12-14
51 瀏覽
前排工作太忙，但都不忘食好嘢，而朋友最近介紹咗我去一間位於旺角但比較隱世嘅西餐廳，裝修幾有格調，適合情侶嚟撐枱腳👫 而且性價比高，最緊要係餐廳非常用心，每上一道菜都會詳細介紹，而且服務好周到，感覺到店家真係好有heart😌我哋見呢個Caesar salad係燒嘅好特別所以嗌咗🫢 仲加咗$38要parma ham，佢個造型夠晒特別！佢嘅生菜係原條上，仲要燒過嚟，再配搭上麵包粒、兩塊超大塊嘅parma ham同芝士脆餅，好夾好好味，呢個食法真係好有驚喜，好鍾意😌之後嗌咗燒八爪魚足鬚，平時好怕食八爪魚似食緊橡筋咁，咬極都咬唔開，但呢度燒得剛好，一啲都唔韌，點埋少少醬一齊食，鮮味十足😌 另外仲有兩塊脆多士夾埋一齊食，增加返個口感！之後主菜我哋嗌咗呢個酥皮焗牛面珠登😚 店員特登喺我哋面前切開酥皮，超大塊好有份量，不過就咁食有啲乾，建議點汁一齊食🙌🏻 肉質煮到勁腍而且好入味，內裡仲有啲薯仔同紅蘿蔔，同樣都幾入味！呢個南瓜意大利飯煮得好creamy🤓 有粒粒煮腍咗嘅南瓜粒，仲幾甜，而個飯嘅texture適中，唔會過腍過硬，份量亦剛剛好！我嗌咗杯Pineapple Punch ($58)，飲落好香菠蘿
燒凱撒沙律
$108
6 瀏覽
0 讚好
0 留言
香煎西班牙八爪魚足鬚
$168
5 瀏覽
0 讚好
0 留言
砵仔酥皮焗牛面頰肉
$368
3 瀏覽
0 讚好
0 留言
之後主菜我哋嗌咗呢個酥皮焗牛面珠登😚 店員特登喺我哋面前切開酥皮，超大塊好有份量，不過就咁食有啲乾，建議點汁一齊食🙌🏻 肉質煮到勁腍而且好入味，內裡仲有啲薯仔同紅蘿蔔，同樣都幾入味！
南瓜意大利飯
$118
2 瀏覽
0 讚好
0 留言
我嗌咗杯Pineapple Punch ($58)，飲落好香菠蘿味，仲有啲菠蘿粒咬吓，唔錯！男友嗌咗杯Tequila Sunrise ($68)，因為有橙汁，同樣都係酸酸甜甜咁，幾開胃！
Tiramisu
$78
1 瀏覽
0 讚好
0 留言
總括而言，呢間西餐廳真係幾有驚喜，食物種類繁多，冇諗過上到去都可以食到酥皮牛面頰肉😛 另外，佢嘅Caesar salad都係必試菜式，真係第一次食咁特別嘅沙律，連平時我唔鍾意食沙律都好OK☺️
張貼
