Amplifier Restaurant (花園街) (已結業)

🍴旺角樓上工業風西餐廳 — Amplifier Restaurant呢間位於旺角花園街的樓上舖西餐廳，逢星期四至六晚上有Live Band表演🥁可以比客人一路食嘢一路聽歌，而家喺香港來講真係好少見！餐廳裝潢走工業風路線，牆身主要用上紅磚，座位寬敞闊落，環境好有格調。香草燴羊膝($268)羊肉好腍無羶味，而且好入味，薯蓉幼滑細膩，配上醬汁不錯，份量都幾大，適合兩個人share一齊食！炭烤美國頂級牛肉眼扒($428)肉眼扒係12安士，牛扒叫左三成熟，切開時肉質呈粉嫩紅色，入口有少少油香，伴有煎蒜頭、青豆、焗薯，並配上紅酒汁及黑椒鹽，點上椒鹽已經好夠味。