Mini Friday (銀城廣場) (已結業)

難得準時收工，就叫埋朋友喺上堂前去試下非常出名嘅旺角樓上西餐店。上到銀城中心9/F 就見到Mini Friday 同日本嘢。 一坐底就有籃脆脆片食。今日要試Mini Friday, 選擇了兩個晚市套餐，叫左一個dinner set, 一個DIY Pasta。 兩款套餐都附送沙律、西湯同飲品。我哋再加$1 加埋是日甜品。 DIY Pasta $1885種汁任選：溫泉蛋芝士忌廉/鮮蕃茄汁/辣味茄汁/蒜片欖油/黑松露忌廉汁/香草汁。 意粉：可選意大利粉/天使麵/扁意粉/墨汁麵/意式燴飯。配料：可選雞柳/煙鴨胸/煙肉/大茄菇/菠菜。黑松露忌廉汁煙鴨胸配天使麵 $188黑松露忌廉汁，非常重黑松露味。每條天使麵都吸收晒黑松露忌廉汁。 鴨胸非常彈牙，好香鴨味。 再加$48 配上龍蝦🦞。 非常滿足！ 香烤美式BBQ 豬肋骨$248BBQ 豬肋骨熱辣辣出爐，切開有四大舊豬肋舊，每舊肉脂肪比例適中。 食落啖啖肉，肉質唔會太un，亦唔會太淋，豬味十足。 烤汁再配上豬肋骨，無得頂。 還有一球好入味嘅薯蓉同紅蘿蔔粒伴碟。 是日甜品焦糖蛋糕，這款蛋糕喺雪嘅蛋糕，沒有焗過。 自己對呢款蛋糕不大興趣，但算是不錯了。